ദില്ലി: നീറ്റ് പരീക്ഷയുടെ ചോദ്യപേപ്പര് ചോര്ച്ചയുമായി ബന്ധപ്പെട്ട് സി ബി ഐ വീണ്ടും രണ്ട് പേരെ കൂടി അറസ്റ്റ് ചെയ്തു. ഹസാരി ബാഗിലെ സ്കൂള് പ്രിന്സിപ്പള് ഇസാന് ഉള് ഹഖ്, പരീക്ഷാ സെന്റര് സൂപ്രണ്ട് ഇംതിയാസ് ആലം എന്നിവരാണ് ഇന്ന് അറസ്റ്റിലായത്.
ഇന്നലെ പട്നയില് നിന്ന് രണ്ട് പേരെ സി ബി ഐ അറസ്റ്റ് ചെയ്തിരുന്നു. ഇതിന് പിന്നാലെയാണ് ഇന്ന് ജാര്ഖണ്ഡില് നിന്ന് രണ്ട് പേരെ അറസ്റ്റ് ചെയ്തത്. ഹസാരി ബാഗിലെ സ്കൂളില് നിന്നാണ് ചോദ്യപേപ്പര് ചോര്ന്നത്. ഇതുമായി ബന്ധപ്പെട്ടാണ് സ്കൂള് പ്രിന്സിപ്പളിനെയും പരീക്ഷ സെന്റര് സൂപ്രണ്ടിനെയും സി ബി ഐ അറസ്റ്റ് ചെയ്തത്.
നീറ്റ് പരീക്ഷ ക്രമക്കേടുമായി ബന്ധപ്പെട്ട് ഇന്നലെ പാറ്റ്നയില് നിന്ന് മനീഷ് പ്രകാശ്, അശുതോഷ് എന്നിവരെയാണ് സി ബി ഐ അറസ്റ്റ് ചെയ്തത്.
![](https://keralabreaking.com/wp-content/uploads/2020/08/KB-Logo.png)