![](https://keralabreaking.com/wp-content/uploads/2021/09/suyes111-778x1024.jpg)
ഉരുള്പൊട്ടലില് വീട് തകര്ന്ന് കാവാലി പള്ളിക്ക് സമീപം ഒട്ടലാങ്കല് മാര്ട്ടിന് (48), ഭാര്യ സിനി (37), മക്കളായ സ്നേഹ (13), സോന (11), സാന്ദ്ര (9). മാര്ട്ടിന്റെ മാതാവ് അച്ചാമ്മ (77) എന്നിവരാണ് മരിച്ചത്. മാര്ട്ടിന് (48) അമ്മ അന്നക്കുട്ടി (77) മാര്ട്ടിന്റെ ഭാര്യ സിനി (37), മക്കളായ സ്നേഹ (13), സോന (11), സാന്ദ്ര (9)എന്നിവരാണ് ദുരന്തത്തില് പെട്ടത്. അപകടം ഉണ്ടാകുന്ന സമയത്ത് എല്ലാവരും വീട്ടില് ഉണ്ടായിരുന്നു. മൂന്ന് കുട്ടികളും വിദ്യാര്ത്ഥികളാണ്. ഇവരില് മൂന്നുപേരുടെ മൃതദേഹമാണ് ഇന്നലെ കണ്ടെത്തിയത്. ഇവരുടെ വീട് സമീപത്തെ തോട്ടിലേക്ക് പതിക്കുകയായിരുന്നു. ഇന്നലെ ഉച്ചയ്ക്ക് ഒന്നരക്ക് ശേഷമാണ് സംഭവം. മൃതദേഹങ്ങള് കണ്ടെത്താനുള്ള ശ്രമം തുടര്ന്നുകൊണ്ടിരിക്കുന്നു.ഓട്ടോ ഡ്രൈവറായ ഷാലറ്റിന്റെ മൃതദേഹമാണ് ഇന്ന് രാവിലെ കണ്ടെത്തിയത്. കൂട്ടിക്കല് വെട്ടിക്കാനത്ത് നിന്നാണ് മൃതദേഹം ലഭിച്ചത്. കൂട്ടിക്കലിലും കൊക്കയാറിലും തെരച്ചില് തുടരുകയാണ്. രണ്ടിടങ്ങളിലായി 14 പേരെയാണ് ഇനി കണ്ടെത്താനുള്ളത്. നാവിക സേന ഹെലികോപ്റ്ററുകള് കൂട്ടിക്കലിലേക്ക് തിരിച്ചിട്ടുണ്ട്. ദുരന്ത മേഖലയില് കുടുങ്ങി കിടക്കുന്നവര്ക്ക് ഭക്ഷണ പൊതികള് വിതരണം ചെയ്യും. തുടര്ന്ന് രക്ഷാ പ്രവര്ത്തനത്തില് പങ്കാളികളാകും. ഏന്തയാര് ജെ ജെ മര്ഫി സ്കൂള് ഗ്രൗണ്ടില് ഹെലികോപ്റ്റര് ഇറക്കാനാണ് നിര്ദേശം.കരസേനയുടെ നേതൃത്വത്തില് രക്ഷാപ്രവര്ത്തനം തുടരുകയാണ്. സൈന്യത്തിന്റെ നാല്പത് അംഗ സംഘമാണ് രക്ഷാപ്രവര്ത്തനത്തിനുള്ളത്. പാങ്ങോട് മിലിട്ടറി ക്യാമ്പില് നിന്നുള്ള മദ്രാസ് റെജിമെന്റ് അംഗങ്ങളാണ് ഇത്. കൂട്ടിക്കല് കാവാലി ഭാഗത്താണ് ഇപ്പോള് സൈന്യമുള്ളത്. നിലവില് ഇവിടെ മഴയില്ല. എന്നാല്, കനത്ത മഴ പെയ്തേക്കുമെന്നാണ് കാലാവസ്ഥാ വകുപ്പ് പറഞ്ഞിരിക്കുന്നത്.
![](https://keralabreaking.com/wp-content/uploads/2020/08/KB-Logo.png)