തലശേരിയില് വിദ്യാര്ത്ഥിയുടെ കൈ മുറിച്ചുമാറ്റിയ സംഭവം ഗൗരവതരം: ആരോഗ്യമന്ത്രി വീണ ജോര്ജ്ജ്
തലശ്ശേരി:തലശേരി ജനറല് ആശുപത്രിയില് വിദ്യാര്ത്ഥിയുടെ കൈ മുറിച്ചുമാറ്റിയ സംഭവം ചികിത്സ പിഴവെന്ന ആരോപണം ഗൗരവതരമെന്ന് ആരോഗ്യമന്ത്രി വീണ ജോര്ജ്ജ് പറഞ്ഞു.പിഴവുകള് ഉണ്ടെന്നു കണ്ടെത്തിയാല് കര്ശന നടപടി ഉണ്ടാകും. അന്വേഷിച്ച് റിപ്പോര്ട്ട് തരാന് ആരോഗ്ര സെക്രട്ടറിയോട് ആവശ്യപ്പെട്ടു. സമയബന്ധിതമായി റിപ്പോര്ട്ട് നല്കാന് നിര്ദേശിച്ചു.ഹെല്ത്ത് സര്വീസ് ഡയരക്ടറേറ്റില് നിന്നുള്ള ഉദ്യോഗസ്ഥന് അന്വേഷിക്കും.രണ്ടു ദിവസത്തിനുള്ളില് റിപ്പോര്ട്ട് കിട്ടുമെന്നും അവര് പറഞ്ഞു.. ഫുട്ബോള് കളിക്കിടെ വീണ് എല്ല് പൊട്ടിയ വിദ്യാര്ത്ഥിയുടെ കൈയാണ് മുറിച്ചു മാറ്റേണ്ടി വന്നത്.തലശേരി ചേറ്റംകുന്ന് നാസാ ക്വാര്ട്ടേര്സില് താമസിക്കുന്ന അബൂബക്കര് സിദ്ധിഖിന്റെ മകന് സുല്ത്താനാണ് കൈ നഷ്ടമായത്. പാലയാട് ഗവണ്മെന്റ് ഹയര് സെക്കന്ററി സ്കൂള് പ്ലസ് വണ് വിദ്യാര്ത്ഥിയായിരുന്നു 17കാരനായ സുല്ത്താന്. ഒക്ടോബര് 30 ന് വൈകീട്ടാണ് അപകടം നടന്നത്. വൈകുന്നേരം വീടിന് അടുത്തുള്ള ഗ്രൗണ്ടില് ഫുട്ബോള് കഴിക്കുന്നതിനിടെ വീണാണ് എല്ല് പൊട്ടിയത്. തുടര്ന്ന് തലശേരി ജനറല് ആശുപത്രിയിലെത്തിച്ചു.ആശുപത്രിയുടെ അനാസ്ഥയാണ് കൈ മുറിച്ച് മാറ്റാന് കാരണമെന്ന് ബന്ധുക്കള് ആരോപിച്ചു.എല്ല് പൊട്ടിയിട്ടും ഒരാഴ്ച കഴിഞ്ഞാണ് ആശുപത്രിയില് നിന്ന് സര്ജറി നടത്താന് പോലും തയ്യാറായത് . അപ്പോഴേക്കും കയ്യിലേക്കുള്ള രക്തയോട്ടം നിലച്ചിരുന്നു.പിന്നീട് മെഡിക്കല് കോളജില് പ്രവേശിപ്പിച്ചെങ്കിലും മികച്ച ചികിത്സ കിട്ടിയില്ല.മെഡിക്കല് കോളജില് വച്ച് കൈ മുഴുവനായി മുറിച്ച് മാറ്റണമെന്ന് പറഞ്ഞതോടെ സ്വകാര്യ ആശുപത്രിയിലേക്ക് മാറ്റി.സ്വകാര്യ ആശുപത്രിയില് വച്ചാണ് മുട്ടിന് താഴെ മുറിച്ച് മാറ്റിയത്. ആരോഗ്യ മന്ത്രിക്കും മുഖ്യമന്ത്രിക്കും ബന്ധുക്കള് പരാതി നല്കിയിട്ടുണ്ട്. .ചികിത്സ പിഴവ് ഉണ്ടായിട്ടില്ലെന്നാണ് തലശ്ശേരി ജനറല് ആശുപത്രിയുടെ വിശദീകരണം.എല്ല് പൊട്ടി മൂന്നാമത്തെ ദിവസം കുട്ടിക്ക് കയ്യിലേക്കുള്ള രക്തയോട്ടം നിലയ്ക്കുന്ന കമ്പാര്ട്ട്മെന്റ് സിന്ഡ്രോം എന്ന അവസ്ഥ വന്നു.പിന്നീട് സര്ജറി ചെയ്തെങ്കിലും നീര്ക്കെട്ട് മാറാനുള്ളത് കൊണ്ട് കൈ തുന്നിക്കെട്ടിയിരുന്നില്ല.അണുബാധയ്ക്ക് സാധ്യതയുണ്ടെന്ന് ബന്ധുക്കളോട് പറഞ്ഞിരുന്നു.പത്താമത്തെ ദിവസമാണ് അണുബാധ ശ്രദ്ധയില് പെട്ടത്. ഒപ്പം ബ്ലീഡിംഗും ഉണ്ടായി.ബ്ലീഡിംഗ് ഉണ്ടായില്ലെങ്കില് കൈ രക്ഷിക്കാമായിരുന്നുവെന്ന് വിശദീകരണം.ഉടന് മെഡിക്കല് കോളജിലേക്ക് വിടുകയും ചെയ്തെന്നും ആശുപത്രി അധികൃതര് വ്യക്തമാക്കി.