കൊല്ലം: ചാത്തന്നൂരില് ദേശീയപാതയില് കാര് കത്തി മരിച്ചയാളെ തിരിച്ചറിഞ്ഞു. കല്ലുവാതുക്കല് പാറയില് സ്വദേശി ജൈനു ( 58 ) ആണ് മരിച്ചത്. തെളിവുകളും ശാസ്ത്രീയ പരിശോധനകളും അടിസ്ഥാനമാക്കിയാണ് മരിച്ചയാളെ തിരിച്ചറിഞ്ഞത്. ആത്മഹത്യയാണെന്നാണ് പൊലീസിന്റെ പ്രഥമിക നിഗമനം. മൃതദേഹം പോസ്റ്റ്മോര്ട്ടത്തിന് ശേഷം ബന്ധുക്കള്ക്ക് വിട്ടുനല്കി. ഇന്നലെ വൈകിട്ടാണ് നിര്മ്മാണത്തിലിരിക്കുന്ന ദേശീയ പാതയില് കാര് കത്തി ജൈനു വെന്തുമരിച്ചത് .
സര്വീസ് ഇല്ലാത്ത റോഡിലാണ് വാഹനമുണ്ടായിരുന്നത്. ഞായറാഴ്ച രാത്രി 7 മണിയോടെയായിരുന്നു സംഭവം. ചാത്തന്നൂര് കാരംകോട് കുരിശിന് മൂടിന് സമീപമായിരുന്നു സംഭവം നടന്നത്. കാര് ഏറെ നേരം റോഡില് നിര്ത്തിയിട്ടിരുന്നു. ഇരുവശത്തും വാഹനം ഓടുന്നുണ്ടായിരുന്നു. പെട്ടെന്ന് കാറിനുള്ളില് തീപിടിക്കുകയായിരുന്നു. കാര് പൂര്ണമായി കത്തി നശിച്ചു. കാറിനുള്ളയാളും പൂര്ണമായി കത്തിയമര്ന്നു. ദേഹത്തും കാറിലും പെട്രോള് ഒഴിച്ച് കത്തിച്ചതാകാമെന്നാണ് പ്രാഥമിക നിഗമനം. കാര് പൂര്ണമായും കത്തിയതിനാല് വിശദമായ പരിശോധനയ്ക്ക് ശേഷമേ ഇക്കാര്യം സ്ഥിരീകരിക്കാനാകൂ. കുടുംബ പ്രശ്നങ്ങളാണോ മരണ കാരണമെന്ന് അന്വേഷിക്കുന്നുണ്ട്.
![](https://keralabreaking.com/wp-content/uploads/2020/08/KB-Logo.png)