മൂന്നാര്: മൂന്നാറില് കനത്ത മഴയില് വീടിന് മുകളിലേക്ക് മണ്ണിടിഞ്ഞു വീണ് സ്ത്രീ മരിച്ചു. മൂന്നാര് എംജി കോളനിയില് താമസിക്കുന്ന കുമാറിന്റെ ഭാര്യ മാല (38)യാണ് മരിച്ചത്. മണ്ണിനിടയില് കുടുങ്ങിയ മാലയെ മണ്ണ് നീക്കം ചെയ്തശേഷം പുറത്തെടുത്ത് ആശുപത്രിയിലെത്തിച്ചെങ്കിലും രക്ഷിക്കാനായില്ല.കനത്ത മഴയെ തുടര്ന്ന് നീരൊഴുക്ക് വര്ധിച്ചതോടെ മൂന്നാര് ഹെഡ് വര്ക്ക്സ് ഡാമില് ഒരു ഷട്ടര് 10 സെന്റീമീറ്റര് ഉയര്ത്തിയിട്ടുണ്ട്. മുതിരപ്പുഴയാറിന്റെ ഇരുകരകളിലും താമസിക്കുന്നവര് ജാഗ്രത പുലര്ത്തണമെന്ന് കളക്ടര് അറിയിച്ചു.
![](https://keralabreaking.com/wp-content/uploads/2020/08/KB-Logo.png)