ത്യാഗത്തിന്റെയും സഹനത്തിന്റെയും മഹത്തായ സന്ദേശം പകര്ന്ന് ഇസ്ലാം മതവിശ്വാസികള് നാളെ തിങ്കളാഴ്ച വലിയ പെരുന്നാള് ആഘോഷിക്കുകയാണ്. ഈദുല് അദ്ഹ എന്ന് വിളിക്കപ്പെടുന്ന ഈ ആഘോഷം ഇന്ത്യയില് ബക്രീദ് എന്ന പേരിലാണ് അറിയപ്പെടുന്നത്.
പ്രവാചകനായ ഇബ്രാഹിം നബി തന്റെ ആദ്യ പുത്രനായ ഇസ്മായേലിനെ അല്ലാഹുവിന്റെ കല്പന പ്രകാരം ബലിയറുക്കാന് ശ്രമിച്ചതിന്റെ ഓര്മ പുതുക്കലാണ് ബലി പെരുന്നാള്. ഈ സംഭവവുമായി ബന്ധപ്പെട്ടാണ് പെരുന്നാളിന് ബലി പെരുന്നാള് എന്ന് പേരു വന്നത്.
ഇബ്രാഹിം നബിയുടെ അടിയുറച്ച വിശ്വാസത്തിന്റെ പ്രതീകമാണ് ബലി പെരുന്നാള് എന്നാണ് ഇസ്ലാമിക വിശ്വാസം. ഇതിന്റെ പ്രതീകമായാണ് ഇസ്ലാം മത വിശ്വാസികള് അന്നേദിവസം അല്ലാഹുവിന്റെ പ്രീതിക്കായി മൃഗങ്ങളെ ബലി നല്കുന്നത്. അദ്ഹ എന്ന അറബി വാക്കിന്റെ അര്ത്ഥം ബലി എന്നാണ്. ഈദുല് അദ്ഹ എന്നാല് ബലിപെരുന്നാള്. വലിയ പെരുന്നാള് എന്ന വാക്ക് ബലി പെരുന്നാള് എന്ന പദത്തില് നിന്നും പിന്നീട് ഉണ്ടായതാണ്. ബക്കരി ഈദ് ഈ രണ്ട് വാക്കില് നിന്നാണ് ബക്രീദ് ഉണ്ടായത്.
ബക്കരി എന്നാല് ആട് എന്നര്ത്ഥം. അല് ബക്ര എന്നാല് മൃഗം എന്നാണ്. മൃഗത്തിനെ ബലി കൊടുത്തു എന്ന അര്ത്ഥത്തില് ബക്ര ഈദ് ബക്രീദ് ആയി. ഹജ്ജ് തീര്ത്ഥാടനത്തിന്റെ ഭാഗമായുള്ള വലിയ ആഘോഷം കൂടിയാണ് ബലി പെരുന്നാള്. കേരളത്തില് ജൂണ് 17ന് ആണ് ബക്രീദ് ആഘോഷിക്കുന്നത്.
![](https://keralabreaking.com/wp-content/uploads/2020/08/KB-Logo.png)