തിരുവനന്തപുരം: മുഖ്യമന്ത്രി പിണറായി വിജയനും- സംസ്ഥാന സര്ക്കാരിനുമെതിരെ സിപിഎം സംസ്ഥാന സമിതി. സംസ്ഥാനത്തെ ഭരണ വിരുദ്ധ വികാരം തിരിച്ചടിയായെന്ന് സംസ്ഥാന സമിതി അംഗങ്ങള് യോഗത്തില് പ്രതിനിധികള് അഭിപ്രായപ്പെട്ടു. മുഖ്യമന്ത്രി പിണറായി വിജയന്റെ ശൈലിക്കെതിരെയും യോഗത്തില് രൂക്ഷ വിമര്ശനമുയര്ന്നു.
സംസ്ഥാന സര്ക്കാറിന്റെ ജനക്ഷേമ നടപടികള് ജനങ്ങളിലേക്ക് എത്തിയില്ലെന്ന് സംസ്ഥാന സമിതി യോഗത്തില് പ്രതിനിധികള് ചൂണ്ടിക്കാട്ടി. കനത്ത തോല്വിക്ക് കാരണം ഭരണ വിരുദ്ധ വികാരമെന്ന് വിമര്ശനമുണ്ടെന്ന് യോഗത്തില് പങ്കെടുത്ത സീതാറാം യച്ചൂരിയും അഭിപ്രായപ്പെട്ടു. ന്യൂനപക്ഷ പ്രീണനം തിരിച്ചടിയായെന്നും പ്രതിനിധികളില് നിന്ന് വിമര്ശനങ്ങള് ഉയര്ന്നു.
പോരായ്മകള് ഉള്ക്കൊണ്ട് തിരുത്തല് നടപടികള് ശക്തമാക്കണമെന്ന ആവശ്യമാണ് യോഗത്തില് ഉയര്ന്നത്. ഇക്കഴിഞ്ഞ ലോക്സഭ തെരഞ്ഞെടുപ്പില് ഒരു സീറ്റില് മാത്രമേ സിപിഎമ്മിന് ജയിക്കാനായുള്ളൂ. ആലത്തൂര് ഒഴികെ എല്ലാ സീറ്റുകളിലും തോല്വി ഏറ്റുവാങ്ങി. പാര്ട്ടി ഗ്രാമങ്ങളില്പ്പോലും ബിജെപി വോട്ട് ഇരട്ടിയാക്കിയതിന് പിന്നിലെന്തെന്ന് തലപുകയ്ക്കുകയാണ് സിപിഎം. കേരളത്തിലെ വന് തോല്വിയുടെ പശ്ചാത്തലത്തില് ഗൗരവകരമായ തിരുത്തല് നടപടികളിലേക്ക് സിപിഎം നീങ്ങുകയാണ്.
20 മണ്ഡലങ്ങളിലെ ഫലം വിശദമായി വിലയിരുത്തി. പാര്ട്ടി വോട്ടില് പോലും ചോര്ച്ച ഉണ്ടായി എന്നാണ് വിലയിരുത്തല്. സംസ്ഥാന സമിതിയിലെ ചര്ച്ച വിശദമായി കേട്ട ശേഷം തുടര് നടപടി സ്വീകരിക്കുമെന്നാണ് സിപിഎമ്മിന്റെ തീരുമാനം.
![](https://keralabreaking.com/wp-content/uploads/2020/08/KB-Logo.png)