എരുമേലി : 29-06-2024 പൂഞ്ഞാര്‍ നിയോജക മണ്ഡലത്തിലെ കാഞ്ഞിരപ്പള്ളി ബ്ലോക്കില്‍പ്പെട്ട പഞ്ചായത്തുകളിലെ മഴക്കാല പൂര്‍വ്വ ശുചീകരണം – പകര്‍ച്ചവ്യാധി അവലോകന യോഗം എരുമേലി വാവര്‍ പള്ളി ഓഡിറ്റോറിയത്തില്‍ വെച്ച് ബ്ലോക്ക് പ്രസി. അജിത രതീഷിന്റെ അദ്ധ്യക്ഷതയില്‍ കൂടിയ യോഗത്തില്‍ വെച്ച് MLA അഡ്വ. സെബാസ്റ്റ്യന്‍ കുളത്തുങ്കല്‍ നിര്‍വ്വഹിച്ചു. യോഗത്തിന് ഹെല്‍ത്ത് ഇന്‍സ്‌പെക്ടര്‍ ഷാജി കറുകത്ര സ്വാഗതം ആശംസിച്ചു. എരുമേലി ഗ്രാമപഞ്ചായത്ത് പ്രസി. ജിജിമോള്‍, ബ്ലോക്ക് വൈ. പ്രസി t s കൃഷ്ണകുമാര്‍ , പഞ്ചായത്ത് മെംബര്‍ നാസര്‍ പനച്ചി എന്നിവര്‍ ആശംസകള്‍ അറിയിച്ചു. DMO തല നിര്‍ദ്ദേശങ്ങള്‍ Dy DMO ഡോ: വിദ്യാദരന്‍ അറിയിച്ചു. ബ്ലോക്ക് തല അവലോകന റിപ്പോര്‍ട്ട് ബ്ലോക്ക് മെഡിക്കല്‍ ഓഫീസ്സര്‍ Dr.. റെക്‌സണ്‍ പോള്‍ അവതരിപ്പിച്ചു. യോഗത്തിന് ഹെല്‍ത്ത് സൂപ്പര്‍ വൈസര്‍ നന്ദി അറിയിച്ചു. പൂഞ്ഞാര്‍ നിയോജക മണ്ഡലത്തിലെ ആരോഗ്യ സ്ഥാപനങ്ങളുടെ പ്രവര്‍ത്തനം മെച്ചപ്പെടുത്തുന്നതിനും, പരാതികള്‍ പരിഹരിക്കുന്നതിനും ആരോഗ്യ വകുപ്പ് മന്ത്രി ഉടന്‍ തന്നെ മീറ്റിംഗ് വിളിക്കുമെന്ന് ങഘഅ അറിയിച്ചു. പകര്‍ച്ചവ്യാധികളുടെ സ്ഥിതിവിവരകണക്കുകള്‍ , പ്രതിരോധ പ്രവര്‍ത്തനങ്ങള്‍, മരുന്നുകളുടെ ലഭ്യത, ജീവനക്കാരുടെ കുറവ്, നിര്‍മ്മാണ പ്രവര്‍ത്തികളുടെ സ്റ്റാറ്റസ്, ശബരിമല മുന്നൊരുക്കം എന്നിവ യോഗത്തില്‍ വിലയിരുത്തി. യോഗത്തില്‍ പഞ്ചായത്ത് പ്രസിഡണ്ടുമാര്‍, ത്രിതല പഞ്ചായത്ത് ജനപ്രതിനിധികള്‍, മെഡിക്കല്‍ ഓഫീസ്സര്‍മാര്‍, ആരോഗ്യ പ്രവര്‍ത്തകര്‍, ആശ വര്‍ക്കര്‍മാര്‍ എന്നിവര്‍ പങ്കെടുത്തു.
