എരുമേലി : എരുമേലി കണ്ണിമലക്ക് സമീപം വാക്ക് തർക്കത്തിനിടെ പിക്കപ്പ് വാനിടിച്ച് യുവാവിന് ദാരുണാന്ത്യം.എരുമേലി തുമരംപാറ സ്വദേശി ഇല്ലിമൂട്ടിൽ (മല്ലപ്പള്ളി) ബാബുവിന്റെ മകൻ ബിബിൻ (26) മരിച്ചത്.സംഭവത്തിൽ വിഷ്ണു എന്നയാളെ പോലീസ് കസ്റ്റഡിയിലെടുത്തു. മുണ്ടക്കയം ഗ്രാമ പഞ്ചായത്ത് 15-ാം വാർഡായ കണ്ണിമല ഉറുമ്പിൽ പാലത്തിന് സമീപം ഇന്ന് വൈകുന്നേരം നാല് മണിക്ക് ശേഷമായിരുന്നു സംഭവം.
മുണ്ടക്കയം പോലീസ് പറയുന്നത്. സംഭവത്തിൽ പോലീസ് കസ്റ്റഡിയിലെടുത്ത വിഷ്ണു ഈ ഭാഗത്തുള്ള വർക്ക് ഷോപ്പിൽ ജെസിബി പണിയാനായി വന്നു.ഇതിനിടെ മരിച്ച ബിബിന്റെ നേതൃത്വത്തിൽ കാറിലും – ഓട്ടോയിലും എത്തിയ നാലംഗ സംഘം വിഷ്ണുവുമായി തർക്കത്തിലേർപ്പെടുകയായിരുന്നു.
തർക്കം രൂക്ഷമായതോടെ ഉന്തും തള്ളും ഉണ്ടാകുകയും ചെയ്തു.ഇതിനിടെ വിഷ്ണു ബിബിനെ റോഡിലേക്ക് തള്ളിയിടുകയായിരുന്നുവെന്നും ഈ സമയം കണ്ണിമല ഭാഗത്തേക്ക് പോകുകയായിരുന്ന പിക്ക് വാനിലിടിച്ച് വീണ ബിബിൻ മരിക്കുകയായിരുന്നുവെന്നും മുണ്ടക്കയം എസ്. ഐ അനീഷ് പറഞ്ഞു. സംഭവത്തെ തുടർന്ന് എരുമേലി പോലീസ് സ്ഥലത്തെത്തി വിഷ്ണുവിനെ കസ്റ്റഡിയിലെടുക്കുകയായിരുന്നു. കൊലപാതകത്തിനാണ് കേസെടുത്തതെന്നും പോലീസ് പറഞ്ഞു.
തർക്കം രൂക്ഷമായതോടെ ഉന്തും തള്ളും ഉണ്ടാകുകയും ചെയ്തു.ഇതിനിടെ വിഷ്ണു ബിബിനെ റോഡിലേക്ക് തള്ളിയിടുകയായിരുന്നുവെന്നും ഈ സമയം കണ്ണിമല ഭാഗത്തേക്ക് പോകുകയായിരുന്ന പിക്ക് വാനിലിടിച്ച് വീണ ബിബിൻ മരിക്കുകയായിരുന്നുവെന്നും മുണ്ടക്കയം എസ്. ഐ അനീഷ് പറഞ്ഞു. സംഭവത്തെ തുടർന്ന് എരുമേലി പോലീസ് സ്ഥലത്തെത്തി വിഷ്ണുവിനെ കസ്റ്റഡിയിലെടുക്കുകയായിരുന്നു. കൊലപാതകത്തിനാണ് കേസെടുത്തതെന്നും പോലീസ് പറഞ്ഞു.
