പാല: നൂറുകണക്കിന് വരുന്ന സാധാരണക്കാരുടെ ഏക ആശ്രയമായ പാല സര്‍ക്കാര്‍ വക ആശുപത്രിയിലേക്കുള്ള റോഡ് തകര്‍ന്നു. ദിവസവും നിരവധിയാളുകള്‍ നടക്കുകയും, വാഹനങ്ങളില്‍ പോകുകയും ചെയ്യുന്ന ആശുപത്രിയിലെ വഴിയാണ് തകര്‍ന്നിരിക്കുന്നത്.
ഇന്റര്‍ലോക് ചെയ്തിരിക്കുന്ന ഭാഗത്താണ് തകര്‍ന്നിരിക്കുന്നത്. റോഡ് തകര്‍ന്ന സംഭവം അപകട സാധ്യതയുള്ളതി നാല്‍ മുന്നറിയിപ്പ് ബോര്‍ഡും ഇപ്പോള്‍ സ്ഥാപിച്ചിരിക്കുകയാണ്. അടിയന്തിര ഘട്ടത്തില്‍ പോലും ഇത് വഴി കയറിപ്പോകാന്‍ പറ്റാത്ത സാഹചര്യമാണുള്ളതെന്നും നാട്ടുകാര്‍ പറഞ്ഞു. അപകടം ക്ഷണിച്ചു വരുന്ന ആശുപത്രി റോഡ് സഞ്ചാരയോഗ്യമാക്കണമെന്നും നാട്ടുകാര്‍ ആവശ്യപ്പെട്ടു.
