കാലാകാലങ്ങളിലായി ഓണത്തിന് വിതരണം ചെയ്തു കൊണ്ടിരുന്ന ഓണം ഫെസ്റ്റിവല്‍ അഡ്വാന്‍സാണ് ചെറുവള്ളി തോട്ടം മാനേജ്‌മെന്റ് ഏകപക്ഷീയമായി വെട്ടിക്കുറച്ചത്.ഏഴോളം തൊഴിലാളി യൂണിയനുള്ള ചെറുവള്ളി തോട്ടത്തില്‍ യൂണിയന്‍ പ്രതിനിധികളോട് പോലും ചര്‍ച്ച ചെയ്യാതെ മാനേജ്‌മെന്റ് തൊഴിലാളികളുടെ ഫെസ്റ്റിവല്‍ അഡ്വാന്‍സ് വെട്ടിക്കുറച്ചതെന്നും സംയുക്ത യൂണിയന്‍ തൊഴിലാളി നേതാക്കള്‍ പറഞ്ഞു .എരുമേലി ബിലീവേഴ്‌സ് ചര്‍ച്ച് നേതൃത്തിലുള്ള ചെറുവള്ളി തോട്ടത്തിലാണ് എല്ലാവര്‍ഷവും ഓണം ഫെസ്റ്റിവല്‍ അഡ്വാന്‍സായി നല്‍കിയിരുന്ന 5000 രൂപ ഇത്തവണ 3500 രൂപയായി വെട്ടിക്കുറച്ചത് . കോവിഡ് കാലത്ത് പതിവിലും വിപരീതമായി ഇരട്ടിയില്‍ അധികം വരുമാനം ഉണ്ടായിട്ടും തൊഴിലാളികളുടെ ഫെസ്റ്റിവല്‍ അഡ്വാന്‍സ് നടപടി അങ്ങേയറ്റം തൊഴിലാളിവിരുദ്ധ നടപടിയാണെന്നും വിവിധ യൂണിയന്‍ നേതാക്കള്‍ പറഞ്ഞു.
ഓര്‍ക്കാപ്പുറത്ത് ഫെസ്റ്റിവല്‍ അഡ്വാന്‍സ് വെട്ടിക്കുറച്ചതോടെ തോട്ടം തൊഴിലാളികള്‍ ഒന്നടങ്കം കടുത്ത പട്ടിണിയിലായതായും അവര്‍ പറഞ്ഞു.ചെറുവള്ളി തോട്ടം ഓഫീസ് പടിക്കല്‍ നടന്ന സംയുക്ത ട്രേഡ് യൂണിയന്‍ ധരണയില്‍ വിവിധ യൂണിയന്‍ പ്രതിനിധികളായ രമേശന്‍ ഇ എസ്,(ബിഎംഎസ്),താജുദ്ദീന്‍ (കെ പി എല്‍ സി), ബിന്ദു എസ്.(ഐഎന്‍ടിയുസി),സാബു എസ്(എ ഐ ടി യുസി),പ്രദീഷ്(സിഐടിയു), റെജി(ടി സി ടി ടി യു) എന്നിവര്‍ പങ്കെടുത്തു.എന്നാല്‍ കോവിഡ് കാലത്തുണ്ടായ സാമ്പത്തിക പ്രതിസന്ധിയുടെ ഭാഗമായാണ് ഇത്തവണ ഓണം ഫെസ്റ്റിവല്‍ അഡ്വാന്‍സായി 3500 രൂപ നല്‍കുന്നതെന്നും തോട്ടം മാനേജര്‍ ജോണ്‍ കുര്യന്‍ പറഞ്ഞു.
