ന്യൂഡല്ഹി: പ്രതിരോധ ഉല്പ്പാദന മേഖലയില് സുപ്രധാന ചുവടുമായി ഭാരതം. അത്യന്തം മാരകമായ സ്ഫോടകവസ്തു സെബെക്സ്- 2 ( SEBEX 2) ന്റ പരീക്ഷണം നാവികസേന വിജയകരമായി പൂര്ത്തിയാക്കി. നാഗ്പൂരിലെ എം/എസ് ഇക്കണോമിക് എക്സ്പ്ലോസീവ്സ് ലിമിറ്റഡ് (EEL) സെബെക്സ്- 2 വികസിച്ചത്.
നിലവില് ആണവ അടിത്തറയില്ലാത്ത ലോകത്തിലെ ഏറ്റവും ശക്തമായ സ്ഫോടകവസ്തുവാണ് ഇന്ത്യയുടെ സെബെക്സ്- 2.TNT എന്ന അളവുകോലിന്റെ അടിസ്ഥാനത്തിലാണ് സ്ഫോടക വസ്തുവിന്റെ പ്രഹരശേഷി വിലയിരുത്തുന്നത്. ഇതു പ്ര?കാരമാണ് സെബെക്സ് 2 ന്റെ പ്രകടനം അളന്നത്. വിപുലമായ പരിശോധനകള്ക്ക് ശേഷമാണ് സെബെക്സ്- 2 പരീക്ഷിക്കുന്നതിന് നാവികസേന അനുമതി നല്കിയത്.
ബോംബുകള്, പീരങ്കി ഷെല്ലുകള് എന്നിവയില് ഉപയോ?ഗിക്കാന് തക്ക രീതിയിലാണ് ഇതിന്റെ ഘടന. ഡിഫന്സ് എക്സ്പോര്ട്ട് പ്രൊമോഷന് സ്കീമിന് കീഴിലാണ് നാവികസേന സെബെക്സ്- 2 വിലയിരുത്തുകയും പരീക്ഷിക്കുകയും സര്ട്ടിഫൈ ചെയ്യുകയും ചെയ്തത്. പ്രതിരോധ ഉല്പ്പാദന കയറ്റുമതിയില് വന് കുതിച്ച് ചാട്ടമാണ് പുതിയ സാമഗ്രികളുടെ വരവോടെ ഇന്ത്യ കൈവരിക്കുക. ലോകരാജ്യങ്ങള് ഇതിനകം തന്നെ സെബക്സ്- 2 അടക്കം നോട്ടമിട്ടു കഴിഞ്ഞു.
ഒരുകാലത്ത് ആയുധങ്ങളും പ്രതിരോധ സാമഗ്രികളും ഇറക്കുമതി ചെയ്തിരുന്ന ഇന്ത്യ, പ്രതിരോധ കയറ്റുമതിയില് കുതിച്ചുയര്ന്നത് കൃത്യമായ ആസൂത്രണത്തിന്റെയും ഫലമായാണ്. 2024-25 ഓടെ പ്രതിരോധ ഉത്പാദന മേഖലയില് 1,75,000 കോടി രൂപയുടെ വിറ്റുവരവ് കൈവരിക്കാനാണ് ഇന്ത്യ ലക്ഷ്യമിടുന്നത്.