സൗഹൃദം പുതുക്കി എരുമേലിയിൽ വന സൗഹൃദ സദസ്സ് ശ്രദ്ധേയമായി 

ഇരുമ്പൂന്നിക്കര ,കൊപ്പം, തുമരംപാറ , എയ്ഞ്ചൽവാലി, പമ്പാവാലി ,മൂക്കൻപ്പെട്ടി എന്നീ മേഖലകളിലാണ് പട്ടയം വിതരണം ചെയ്യുന്നതെന്നും അദ്ദേഹം പറഞ്ഞു. വനാതിർത്തി മേഖലകളിൽ മരം മുറിയുടെ ദുർവിനിയോഗം തടയാൻ നിയമപരമായി മാത്രമേ മരം മുറിക്കാൻ അനുവദിക്കുകയുള്ളൂവെന്നും  അദ്ദേഹം പറഞ്ഞു .

മലയോര മേഖലയിൽപ്പെട്ട പെരിയാർ ടൈഗർ റിസർവ് മേഖല ജനവാസ മേഖലയാണെന്ന് കേരള വൈൽഡ് ലൈഫ് ബോർഡ് റിപ്പോർട്ട് സുപ്രീംകോടതിക്ക് നൽകിയിട്ടില്ലെന്നും ചോദ്യത്തിന്  ഉത്തരമായി മന്ത്രി പറഞ്ഞതായും എരുമേലി ഗ്രാമപഞ്ചായത്ത് പ്രസിഡന്റ്  മറിയാമ്മ സണ്ണി പറഞ്ഞു . വന്യജീവികളുടെ ആക്രമവുമായി ബന്ധപ്പെട്ട്  436 അപേക്ഷകളാണ് നഷ്ടപരിഹാരത്തിനായി ലഭിച്ചത്. ഇതിൽ 30 പേർക്ക്  നഷ്ടപരിഹാരം നൽകുകയും ചെയ്തു. വന്യമൃഗങ്ങളുടെ ശല്യം ഒഴിവാക്കാൻ  നടപടികൾ സ്വീകരിക്കുമെന്നും അദ്ദേഹം പറഞ്ഞു . ഇരുമ്പൂന്നിക്കര – രാജൻ അറക്കുളം, തുമരംപാറ – കേശവൻ പാറക്കൽ, കാളകെട്ടി –  ജനാർദ്ദനൻ , എലിവാലിക്കര – അജി, എരുത്വാപ്പുഴ – കേളൻ ഗോപി  എന്നീ  ഊരുമൂപ്പന്മാരെ ആദരിച്ചു.  വനാതിർത്തി  പങ്കിടുന്ന സംസ്ഥാനത്തെ 40 നിയോജക മണ്ഡലങ്ങളിൽ 21 സ്ഥലങ്ങളിൽ സംസ്ഥാന തലത്തിൽ നടക്കുന്ന പരിപാടികളുടെ ഭാഗമായാണ് എരുമേലിയിലും  വന സൗഹൃദ സദസ്സ്  നടന്നത് . ചടങ്ങിൽ കോട്ടയം ജില്ലാ കളക്ടർ  ഡോ.പി കെ ജയശ്രീ, എംഎൽഎമാരായ അഡ്വ.  സെബാസ്റ്റ്യൻ കുളത്തിങ്കൽ,  ഡോ. എൻ. ജയരാജ് ,കാഞ്ഞിരപ്പള്ളി ബ്ലോക്ക് പഞ്ചായത്ത് പ്രസിഡന്റ് അജിത , ഗ്രാമപഞ്ചായത്ത് പ്രസിഡന്റുമാരായ മറിയാമ്മ സണ്ണി, ശ്രീജ, ജയിംസ് പി. സൈമൺ , മറ്റ് പഞ്ചായത്ത് പ്രസിഡന്റുമാർ , എരുമേലി മുൻ ഗ്രാമപഞ്ചായത്ത് പ്രസിഡന്റ്  തങ്കമ്മ ജോർജുകുട്ടി എന്നിവർ ചർച്ചകൾക്ക് നേതൃത്വം നൽകി.