ഗോള്‍ഡന്‍ ഗ്ലോബ് പായ്വഞ്ചിയോട്ട മത്സരത്തില്‍ രണ്ടാം സ്ഥാനം
ഗോള്‍ഡന്‍ ഗ്ലോബ് പായ്വഞ്ചിയോട്ട മത്സരത്തില്‍ രണ്ടാം സ്ഥാനം നേടി. മലയാളി നാവികന്‍ അഭിലാഷ് ടോമി. ഈ നേട്ടം സ്വന്തമാക്കുന്ന ആദ്യ ഏഷ്യക്കാരനാണ് അഭിലാഷ് ടോമി. ഫ്രാന്‍സിലെ സാബ്ലെ ദോലനില്‍ നിന്ന് യാത്ര തിരിച്ചത് കഴിഞ്ഞ സെപ്റ്റംബര്‍ നാലിനാണ്. ഒന്നാം സ്ഥാനത്ത് ഫിനിഷ് ചെയ്തത് ദക്ഷിണാഫ്രിക്കന്‍ സ്വദേശിയായ കിഴ്സ്റ്റന്‍ നോയിഷെയ്ഫരന്‍. 16 പേരുമായി ആരംഭിച്ച റേസില്‍ മൂന്ന് പേര്‍ മാത്രമാണ് ഫിനിഷ് ചെയ്തത്. ഇന്ത്യന്‍ സമയം ശനിയാഴ്ച രാവിലെ 10.30 മണിയോടെയാണ് അഭിലാഷ് ടോമിയുടെ വഞ്ചി ബയാനത് ഫ്രഞ്ച് തീരത്തെത്തിയത്.വ്യാഴാഴ്ച രാത്രി ഒന്നാം സ്ഥാനത്തു ഫിനിഷ് ചെയ്ത ദക്ഷിണാഫ്രിക്കന്‍ വനിത കിഴ്സ്റ്റന്‍ നോയിഷെയ്ഫറിനു വന്‍ വന്‍ സ്വീകരണമാണു സംഘാടകര്‍ നല്‍കിയത്. അഭിലാഷിനെ സ്വീകരിക്കാനും സമാനമായ ഒരുക്കങ്ങളാണ് ഫിനിഷിങ് ലൈനിലുണ്ടാവുകയെന്ന് സംഘാടകര്‍ അറിയിച്ചിട്ടുണ്ട്. മത്സരത്തില്‍ അവശേഷിക്കുന്ന ഏകയാളായ ഓസ്ട്രിയന്‍ നാവികന്‍ മൈക്കല്‍ ഗുഗന്‍ബര്‍ഗര്‍ വളരെ പിന്നിലാണ്.ഇദ്ദേഹം ഫിനിഷ് ചെയ്യാന്‍ 15 ദിവസത്തിലേറെ എടുത്തേക്കും.