സെക്രട്ടറിയേറ്റിലേക്ക് യൂത്ത് കോണ്ഗ്രസ് നടത്തിയ പ്രതിഷേധത്തില് വന് സംഘര്ഷം.
തിരുവനന്തപുരം: സെക്രട്ടറിയേറ്റിലേക്ക് യൂത്ത് കോണ്ഗ്രസ് നടത്തിയ പ്രതിഷേധത്തിനിടെ വന് സംഘര്ഷം. പ്രവര്ത്തകര് പൊലീസിന് നേരെ കല്ലെറിഞ്ഞു. സെക്രട്ടറിയേറ്റിനുള്ളിലേക്ക് കുപ്പിയേറുമുണ്ടായി. ഇതോടെ പൊലീസ് പ്രതിഷേധക്കാര്ക്ക് നേരെ ജലപീരങ്കിയും കണ്ണീര് വാതകവും പ്രയോഗിച്ചു. ലാത്തിയും വീശി. ലാത്തിച്ചാര്ജില് യൂത്ത് കോണ്ഗ്രസ് വനിതാ പ്രവര്ത്തകക്ക് പരിക്കേറ്റു. ഇവരെ ആശുപത്രിയിലേക്ക് മാറ്റി. മറ്റൊരു പ്രവര്ത്തകന്റെ കാല് ഒടിഞ്ഞു. ഇയാളെയും ആശുപത്രിയിലേക്ക് മാറ്റി. നിരവധി പ്രവര്ത്തകര്ക്ക് പരിക്കേറ്റതായാണ് വിവരം. മാര്ച്ചിനിടെ ബാരിക്കേഡ് തള്ളിമാറ്റാന് പ്രതിഷേധക്കാര് ശ്രമിച്ചതോടെയാണ് സംഘര്ഷം ആരംഭിച്ചത്. പിന്നാലെ കല്ലേറും ഉണ്ടായി. ഇതോടെ പൊലീസ് നടപടി ആരംഭിച്ചു. പൊലീസ് പ്രകോപനമില്ലാതെ പ്രതികാര നടപടിയെടുക്കുകയായിരുന്നുവെന്ന് യൂത്ത് കോണ്ഗ്രസ് ആരോപിച്ചു. പ്രകോപനമുണ്ടാക്കിയത് പൊലീസാണെന്നും മനപൂര്വ്വം നടപടിയെടുക്കുകയായിരുന്നുവെന്നും യൂത്ത് കോണ്ഗ്രസ് സംസ്ഥാന അധ്യക്ഷന് ഷാഫി പറമ്പില് കുറ്റപ്പെടുത്തി.