തിരുവനന്തപുരം: ഡിസംബറില്‍ തിരുവനന്തപുരത്ത് സംസ്ഥാന സ്‌കൂള്‍ കലോത്സവം നടത്തുമെന്ന് വിദ്യാഭ്യാസ വകുപ്പ്.പുതുക്കിയ മാന്വല്‍ അനുസരിച്ചാകും കലോത്സവം. കഴിഞ്ഞ വര്‍ഷം കൊല്ലത്തു നടന്ന കാലോത്സവത്തില്‍ ജില്ലയിലെ ഒരു കലാരൂപം ഉദ്ഘാടന സമ്മേളനത്തിന്റെ ഭാഗമായി അവതരിപ്പിച്ചിരുന്നു. ഇത്തവണ മത്സര ഇനമായി ഉള്‍പ്പെടുത്തണമെന്ന രീതിയില്‍ കാര്യങ്ങള്‍ പുരോഗമിക്കുകയാണെന്ന് മന്ത്രി വി.ശിവന്‍കുട്ടിയുടെ ഓഫിസ് അറിയിച്ചു.
ഒക്ടോബര്‍ 18, 19, 20, 21, 22 തീയതികളില്‍ സ്‌കൂള്‍ കായികമേള എറണാകുളം ജില്ലയില്‍ നടത്തും. ഒളിംപിക്‌സ് മാതൃകയില്‍ അത്ലറ്റിക്സും ഗെയിംസും ഒരുമിച്ച് സംഘടിപ്പിച്ചേക്കുമെന്നാണ് വിവരം. ഈ മേളയ്ക്ക് പ്രത്യേക ലോഗോയും തീമും ഗാനവും ആലോചിക്കുന്നുണ്ട്. നാലു വര്‍ഷത്തില്‍ ഒരിക്കല്‍ ഒളിംപിക്‌സ് മാതൃകയിലും അല്ലാത്ത വര്‍ഷങ്ങളില്‍ സാധാരണ പോലെയും കായിക മേള നടക്കും.
