മീനങ്ങാടിയില് വളര്ത്തുമൃഗങ്ങളെ കൊന്ന കടുവയെ പിടികൂടി.
വയനാട് :മീനങ്ങാടിയില് വളര്ത്തുമൃഗങ്ങളെ കൊന്ന കടുവയെ പിടികൂടി. മൈലമ്പാടിയില് സ്ഥാപിച്ച കൂട്ടിലാണ് കടുവ കുടുങ്ങിയത്. ഒരു മാസത്തിനിടെ രണ്ട് വളര്ത്തുമൃഗങ്ങളെയാണ് കടുവ കൊന്നത്. നാട്ടുകാര് ഭീതിയിലായതോടെ വനംവകുപ്പ് കൂട് സ്ഥാപിക്കുകയായിരുന്നു. കഴിഞ്ഞ ദിവസം പുല്ലുമല മാഞ്ചേരി ജോസഫിന്റെ ഒരു വയസ്സുള്ള പശുക്കിടാവിനെ കടുവ ആക്രമിച്ചിരുന്നു. എസ്റ്റേറ്റിനുള്ളില് മാനിനേയും കൊന്നു.
ക്യാമറകളിലെ പരിശോധനകള്ക്കു പുറമേ എല്ലായിടങ്ങളിലും പട്രോളിങും വര്ധിപ്പിച്ചിരുന്നു. മൈലമ്പാടി, പുല്ലുമല, മണ്ഡകവയല്, ആവയല്, കൃഷ്ണഗിരി, സിസി, വാകേരി പ്രദേശങ്ങള് ഒരു മാസത്തിലധികമായി കടുവാഭീതിയിലാണ്.