മലമ്പുഴ ഡാമിന്റെ നാല് ഷട്ടറുകളും തുറന്നു: കേരളത്തില് അടുത്ത അഞ്ച് ദിവസം വ്യാപകമായ മഴ
പാലക്കാട് :തമിഴ്നാടിനും സമീപ പ്രദേശങ്ങള്ക്ക് മുകളിലായി ചക്രവാതചുഴി നിലനില്ക്കുന്നു.മലമ്പുഴ ഡാമിന്റെ നാല് ഷട്ടറുകളും തുറന്നു.തമിഴ്നാട് മുതല് പടിഞ്ഞാറന് വിദര്ഭ വരെ ന്യൂനമര്ദ പാത്തി നിലനില്ക്കുന്നു. ഇതിന്റെ ഫലമായി കേരളത്തില് അടുത്ത 5 ദിവസം വ്യാപകമായ മഴക്ക് സാധ്യത. ഈ ദിവസങ്ങളില് ഒറ്റപ്പെട്ട ശക്തമായ മഴയ്ക്കും ഇടിമിന്നലിനും സാധ്യതയെന്ന് കേന്ദ്ര കാലാവസ്ഥ വകുപ്പ് അറിയിച്ചു.അടുത്ത 3 മണിക്കൂറില് കേരളത്തിലെ എല്ലാ ജില്ലകളിലും നേരിയ മഴയ്ക്ക് സാധ്യതയുണ്ടെന്ന് കേന്ദ്ര കാലാവസ്ഥ വകുപ്പ് അറിയിച്ചു.