കോഴിക്കോട്: ബീച്ച് ആശുപത്രിയില് പനിച്ച് വിറച്ച് മഴ നനഞ്ഞ് ഒ.പി ടിക്കറ്റ് എടുത്ത് രോഗികള്.ഒ.പി. ടിക്കറ്റ് വിതരണം ഒറ്റ കേന്ദ്രത്തിലേക്ക് മാറ്റിയതോടെയാണ് രോഗികള്ക്ക് ഈ ഗതികേട്. ബീച്ച് ആശുപത്രിക്ക് മുന്നിലെ ഒ.പി ടിക്കറ്റ് കൗണ്ടര് തിങ്കളാഴ്ചമുതലാണ് പുതിയ ബ്ലോക്കിലേക്ക് മാറ്റിയത്.നേരത്തെ ഇ.എന്.ടി. ഉള്പ്പെടെ ചില വിഭാഗത്തിലുള്ള ഒ.പി ടിക്കറ്റ് മാത്രം നല്കിയിരുന്ന സ്ഥലത്തേക്കാണ് മുഴുവന് വിഭാഗത്തിലെയും കൗണ്ടറുകള് ആക്കിയത്. ഇവിടുത്തെ സ്ഥലപരിമിതിമൂലം ദുരിതത്തിലായത് രോഗികളാണ്. പെരുംമഴയത്തും ചെളിവെള്ളത്തില് ചവിട്ടി കുടചൂടി നില്ക്കുകയാണ് കുട്ടികളും പ്രായമായവരും ഗര്ഭിണികളും ഉള്പ്പെടെയുള്ള രോഗികള്. 500-ല് അധികം രോഗികളാണ് മഴ നനഞ്ഞ് ഒ.പി. ടിക്കറ്റ് എടുക്കാനായി നില്ക്കുന്നത്.കടുത്ത ആരോഗ്യ പ്രശ്നങ്ങളുമായി ആശുപത്രിയിലെത്തുന്ന രോഗികളെ മഴയത്ത് നിര്ത്തുന്നത് ഒഴിവാക്കാന് എത്രയും പെട്ടെന്ന് അധികൃതര് നടപടി സ്വീകരിക്കണമെന്നാണ് രോഗികളുടെ ആവശ്യം. ഒ.പി. ടിക്കറ്റ് കൗണ്ടറുകളുടെ എണ്ണം കൂട്ടണമെന്നും മഴനനയാതെ കാത്തുനില്ക്കാനുള്ള സംവിധാനം ഒരുക്കണമെന്നും രോഗികള് പറയുന്നു.
![](https://keralabreaking.com/wp-content/uploads/2020/08/KB-Logo.png)