പുതുപ്പള്ളി ഉപതിരഞ്ഞെടുപ്പുമായി ബന്ധപ്പെട്ട തര്ക്കത്തെത്തുടര്ന്ന് ഒരാള്ക്ക് വെട്ടേറ്റു.
കാലടി: പുതുപ്പള്ളി ഉപതിരഞ്ഞെടുപ്പുമായി ബന്ധപ്പെട്ട തര്ക്കത്തെത്തുടര്ന്ന് ഒരാള്ക്ക് വെട്ടേറ്റു. കാലടി പൊതിയക്കര സ്വദേശി കുന്നേക്കാടന് ജോണ്സനാണ് വെട്ടേറ്റത്. സിപിഎം പൊതിയക്കര ബ്രാഞ്ച് സെക്രട്ടറി കുന്നേക്കാടന് ദേവസിയാണ് ആക്രമിച്ചതെന്ന് പരുക്കേറ്റയാള് പറഞ്ഞു. ദേവസിയെ പൊലീസ് കസ്റ്റഡിയിലെടുത്തു. തലയ്ക്ക് പരുക്കേറ്റ ജോണ്സനെ അങ്കമാലിയിലെ സ്വകാര്യ ആശുപത്രിയില് പ്രവേശിപ്പിച്ചു.
ജോണ്സണ് ലോറി ഡ്രൈവറാണ്. കഴിഞ്ഞ ദിവസങ്ങളില് പുതുപ്പള്ളിയിലെ ഭൂരിപക്ഷവുമായി ബന്ധപ്പെട്ട് തര്ക്കം ഉടലെടുത്തിരുന്നു. ഇതിന്റെ തുടര്ച്ചയെന്നോണമാണ് ആക്രമണമുണ്ടായത്. ബൈക്കിലെത്തിയ മൂന്നംഗ സംഘമാണ് ആക്രമിച്ചതെന്ന് ജോണ്സന് പറഞ്ഞു. സംഭവത്തില് പൊലീസ് കേസെടുത്ത് അന്വേഷണം ആരംഭിച്ചു.