പാറശ്ശാലയില്‍ ഭര്‍ത്താവ് ഭാര്യയെ വെട്ടി കൊലപ്പെടുത്തി.
പാറശ്ശാലയില്‍ ഭര്‍ത്താവ് ഭാര്യയെ വെട്ടി കൊലപ്പെടുത്തി. പാറശ്ശാല കുഴിഞ്ഞാംവിള സ്വദേശിനി മീനയാണ് മരിച്ചത്. ഇന്നലെ രാത്രി പതിനൊന്ന് മണിയോടെയായിരുന്നു സംഭവം. ഭാര്യയെ വെട്ടിയ ശേഷം ഭര്‍ത്താവ് ഷാജി രാത്രി തന്നെ പാറശ്ശാല പൊലിസ് സ്റ്റേഷനിലെത്തി കീഴടങ്ങി.
മദ്യപിക്കാന്‍ പണം നല്‍കാത്തതിനാലാണ് അമ്മയെ വെട്ടിയതെന്നും ഇരുവരും തമ്മില്‍ വഴക്കുകള്‍ പതിവായിരുന്നെന്നും മക്കള്‍ പറയുന്നു. മുഖത്തും കഴുത്തിലും ഉള്‍പ്പെടെ വെട്ടേറ്റിരുന്നു. മുഖത്തും കഴുത്തിലുമുള്‍പ്പെടെ ഗുരുതര പരിക്കേറ്റ മീനയെ ഇന്നലെ രാത്രി തന്നെ തിരുവനന്തപുരം മെഡിക്കല്‍ കോളേജ് ആശുപത്രിയില്‍ പ്രവേശിപ്പിച്ചെങ്കിലും ഇന്ന് പുലര്‍ച്ചെ 2 മണിയോടെ മരണം സംഭവിക്കുകയായിരുന്നു.
