ദില്ലി : നീറ്റ് യുജി പരീക്ഷ പേപ്പര് ക്രമക്കേടില് മുഖ്യ സൂത്രധാരന് പിടിയില്. അമിത് സിങിനെ ജാര്ഖണ്ഡില് നിന്ന് സിബിഐ അറസ്റ്റ് ചെയ്തു. ഹസാരി ബാഗിലെ സ്കൂള് പ്രിന്സിപ്പള് ഇസാന് ഉള് ഹഖ്, പരീക്ഷാ സെന്റര് സൂപ്രണ്ട് ഇംതിയാസ് ആലം എന്നിവരടക്കം കേസില് നേരത്തെ അറസ്റ്റിലായിരുന്നു.
ഹസാരി ബാഗിലെ സ്കൂളില് നിന്നാണ് ചോദ്യപേപ്പര് ചോര്ന്നത്. ഇതുമായി ബന്ധപ്പെട്ടാണ് സ്കൂള് പ്രിന്സിപ്പളിനെയും പരീക്ഷാ സെന്റര് സൂപ്രണ്ടിനെയുമടക്കം നേരത്തെ സി ബി ഐ അറസ്റ്റ് ചെയ്തിരുന്നു. നീറ്റ് പരീക്ഷ പേപ്പര് ചോര്ച്ചയില് ഗുജാറത്തിലും ബിഹാറിലുമടക്കം സിബിഐ റെയ്ഡ് നടത്തി. ഗോദ്ര, അഹമ്മദാബാദ് ഉള്പ്പെടെ ഏഴ് ഇടങ്ങളിലാണ് സിബിഐ പരിശോധന നടത്തിയത്.
![](https://keralabreaking.com/wp-content/uploads/2020/08/KB-Logo.png)