നവജാതശിശുവിനെ തട്ടിക്കൊണ്ടുപോയ സംഭവം ആശുപത്രി സുരക്ഷാ ജീവനക്കാരിയെ സസ്പെന്ഡ് ചെയ്തു
കോട്ടയം: കോട്ടയം മെഡിക്കല് കോളേജ് ആശുപത്രിയില് നിന്ന് നവജാതശിശുവിനെ തട്ടിക്കൊണ്ടുപോയ സംഭവത്തില് ആശുപത്രി സുരക്ഷാ ജീവനക്കാരിയെ സസ്പെന്ഡ് ചെയ്തു. കുഞ്ഞിനെ തട്ടിയെടുത്ത സമയത്ത് ചുമതലയില് ഉണ്ടായിരുന്ന ജീവനക്കാരിയെ സസ്പെന്ഡ് ചെയ്തു. ജീവനക്കാരി സുരക്ഷാ ചുമതലയില് ജാഗ്രത കുറവ് കാട്ടി എന്ന നിഗമനത്തെ തുടര്ന്ന് അന്വേഷണ വിധേയമായാണ് നടപടി.തട്ടിയെടുക്കപ്പെട്ട ശേഷം തിരികെ ലഭിച്ച കുഞ്ഞിന് എസ്ഐ റെനീഷ് നിര്ദ്ദേശിച്ച അജയ എന്ന് പേര് നല്കി. കുട്ടിയെ
തട്ടിക്കൊണ്ടുപോയ കേസില് നീതുവിനെ ഏറ്റുമാനൂര് ഒന്നാംക്ലാസ് മജിസ്ട്രേട്ട് കോടതി 14 ദിവസത്തേക്ക് റിമാന്ഡ് ചെയ്തിരുന്നു. പ്രതിയെ കോട്ടയത്തെ വനിതാ ജയിലിലാണ് ഉള്ളത്. ഇന്ന് ആശുപത്രിയില് എത്തിച്ച് തെളിവെടുപ്പ് നടത്തും. മെഡിക്കല് കോളജിന് സമീപത്തെ കടയില് നിന്നാണ് ഡോക്ടറുടെ കോട്ട് വാങ്ങിയത്. ഈ കടയിലും ഹോട്ടലിലും എത്തിച്ചും തെളിവെടുക്കും. ആര്എംഒ, പ്രിന്സിപ്പല് തല സമിതികളുടെ അന്വേഷണ റിപ്പോര്ട്ട് മെഡിക്കല് വിദ്യാഭ്യാസ ജോയിന്റ് ഡയറക്ടര്ക്ക് നല്കും.സുരക്ഷാ വീഴ്ച ഉണ്ടായിട്ടില്ലെന്നാണ് രണ്ട് സമിതികളുടേയും റിപ്പോര്ട്ടില് പറയുന്നത്. കുഞ്ഞിനെ ഇന്ന് ഡിസ്ചാര്ജ് ചെയ്യും.