തെരഞ്ഞെടുപ്പ് കമ്മീഷണര് രാജിവച്ചു
ദില്ലി: ലോക്സഭ തെരഞ്ഞെടുപ്പ് പ്രഖ്യാപിക്കാന് ദിവസങ്ങള് ബാക്കിനില്ക്കെ തെരഞ്ഞെടുപ്പ് കമ്മീഷണര് അരുണ് ഗോയല് രാജിവെച്ചു. അപ്രതീക്ഷിതയാണ് രാജി. 2027 വരെ കാലാവധിയുണ്ടായിരിക്കെയാണ് അരുണ് ഗോയല് രാജിവെക്കുന്നത്.
രാജിയുടെ കാരണം വ്യക്തമല്ല. രാജി രാഷ്ട്രപതി അംഗീകരിച്ച് വിജ്ഞാപനം പുറത്തിറങ്ങി. മൂന്നംഗ തെരഞ്ഞെടുപ്പ് കമ്മീഷനില് തെരഞ്ഞെടുപ്പ് കമ്മീഷണറായ അനുപ് ചന്ദ്ര പാണ്ഡെ ഫെബ്രുവരിയില് വിരമിച്ച ശേഷം ആരെയും നിയമിച്ചിരുന്നില്ല. രണ്ടംഗങ്ങള് മാത്രം തുടരുമ്പാഴാണ് തെരഞ്ഞെടുപ്പ് കമ്മീഷണര് സ്ഥാനത്ത് നിന്ന് അരുണ് ഗോയലും രാജിവെക്കുന്നത്.
ഇതോടെ മുഖ്യ തെരഞ്ഞെടുപ്പ് കമ്മീഷണര് രാജീവ് കുമാര് മാത്രമാണ് ശേഷിക്കുന്നത്. തെരഞ്ഞടുപ്പ് ഒരുക്കങ്ങള് വിലയിരുത്താനായി മറ്റന്നാള് ജമ്മുകശ്മീരില് സന്ദര്ശനം നടത്താനിരിക്കെയാണ് രാജി.