എരുമേലി : എരുമേലിയില്‍ വനാതിര്‍ത്ഥി മേഖലയില്‍ക്കൂടി കടന്ന് പോകുന്ന റോഡുകള്‍ മാലിന്യ വിമുക്ത മാകുന്നു. എരുമേലി – റാന്നി സംസ്ഥാന പാതയില്‍ പ്ലാച്ചേരി മുതല്‍ കനകപ്പലം വരേയും, എരുമേലി – വെച്ചുച്ചിറ കനകപ്പലം മുതല്‍ വെച്ചുച്ചിറ വരേയുമുള്ള റോഡുകളാണ് വനം വകുപ്പിന്റെ ശക്തമായ ഇടപെടലില്‍ മാലിന്യവിമുക്തമാകുന്നത് .
ആള്‍താമസം കുറഞ്ഞ വനമേഖലയിലെ ഈ റോഡുകളിലാണ് വ്യാപകമായി മാലിന്യങ്ങള്‍ തള്ളുന്നത് . എന്നാല്‍ നിലവിലുണ്ടായിരുന്ന മാലിന്യങ്ങള്‍ നീക്കിയ വനം വകുപ്പ് മാലിന്യങ്ങള്‍ തള്ളുന്നവര്‍ക്കെതിരെ ശക്തമായ നടപടി സ്വീകരിച്ചതാണ് റോഡുകള്‍ മാലിന്യം വിമുക്ത മാകാന്‍ കാരണമാക്കിയതായും അധികൃതര്‍ പറഞ്ഞു.
എന്നാല്‍ വെച്ചുച്ചിറ റോഡില്‍ വീണ്ടും മാലിന്യങ്ങള്‍ തള്ളുന്നതായി കണ്ടെത്തിയതിനെ തുടര്‍ന്ന് വനം വകുപ്പും – ത്രിതല പഞ്ചായത്ത് – മാര്‍ ക്രിസോസ്റ്റം ഫൗണ്ടേഷന്‍, മറ്റ് വിവിധ സന്നദ്ധ സംഘടനകള്‍ എന്നിവരുടെ നേതൃത്വത്തില്‍ വീണ്ടും മാലിന്യങ്ങള്‍ നീക്കി ചെടികള്‍ നട്ടു വച്ചു. ഇത് കൂടാതെ സിറ്റിവി കളും സ്ഥാപിച്ചു. പാതയോരങ്ങളിലെ പൂന്തോട്ട നിര്‍മാണത്തിന് കോട്ടയം ഡി എഫ് ഒ എന്‍ . രാജേഷ് ഐ എസ് എഫ് നേതൃത്വം നല്‍കി. എരുമേലി റേഞ്ച് ഫോറസ്റ്റ് ഓഫീസര്‍ ഹരിലാല്‍ കെ , മറ്റ് സംഘടന പ്രതിനിധികളും പങ്കെടുത്തു.
