ഉമാ തോമസ് നിയമസഭാംഗമായി സത്യപ്രതിജ്ഞ ചെയ്തു.
തിരുവനന്തപുരം: തൃക്കാക്കരയില് നിന്ന് വിജയിച്ച കോണ്ഗ്രസ് അംഗം ഉമാ തോമസ് നിയമസഭാംഗമായി സത്യപ്രതിജ്ഞ ചെയ്തു. രാവിലെ 11 മണിക്ക് നിയമസഭാ മന്ദിരത്തില് സ്പീക്കര് മുമ്പാകെയായിരുന്നു സത്യപ്രതിജ്ഞ. ദൈവ നാമത്തിലാണ് ഉമാ തോമസ് സത്യപ്രതിജ്ഞ ചെയ്തത്. പ്രതിപക്ഷ നേതാവ് വി ഡി സതീശന്, മുതിര്ന്ന യുഡിഎഫ് നേതാക്കളായ ഉമ്മന് ചാണ്ടി, രമേശ് ചെന്നിത്തല, എം എം ഹസന് എന്നിവര് സത്യപ്രതിജ്ഞാ ചടങ്ങില് പങ്കെടുത്തു. ഈ മാസം 27 മുതല് ആരംഭിക്കുന്ന നിയമസഭ സമ്മേളനത്തില് ഉമാ തോമസ് പങ്കെടുക്കും.
കെ കെ രമ കഴിഞ്ഞാല്, യുഡിഎഫിലെ രണ്ടാമത്തെ വനിതാ എംഎല്എയായി മാറിയിരിക്കുകയാണ് ഉമാ തോമസ്. കോണ്ഗ്രസിന്റെ നിയമസഭയിലെ ഏക വനിതാസാന്നിധ്യം കൂടിയാണ് ഉമ തോമസിന്റേത്.