അജീഷിന്റെ കുടുംബത്തിന് മാനന്തവാടി രൂപതയുടെ ധനസഹായം
വയനാട്: മാനന്തവാടിയില് കാട്ടാനയുടെ ആക്രമണത്തില് കൊല്ലപ്പെട്ട അജീഷിന്റെ കുടുംബത്തിന് മാനന്തവാടി രൂപതയുടെ ധനസഹായം. പത്ത് ലക്ഷം രൂപയാണ് ധനസഹായം പ്രഖ്യാപിച്ചിരിക്കുന്നത്. രൂപതയുടെ സാമൂഹ്യ സേവന വിഭാഗമായ വയനാട് സോഷ്യല് സര്വീസ് സൊസൈറ്റിയാണ് ധനസഹായം നല്കുക.
വന്യമൃഗ ശല്യം പരിഹരിക്കുന്നതില് ഭരണാധികാരികള് പരാജയപ്പെടുന്നുവെന്ന് മാനന്തവാടി ബിഷപ്പ് മാര് ജോസ് പൊരുന്നേടം പറഞ്ഞു.മനുഷ്യ ജീവനുണ്ടാകുന്ന നഷ്ടം പണം നല്കി പരിഹരിക്കാനാകില്ല. വിഷയം വയനാട്ടില് നിന്നുള്ള ജനപ്രതിനിധികള് നിയമസഭയിലും ലോക്സഭയിലും ഉന്നയിക്കണം.
കാട്ടാനയുടെ ആക്രമണത്തില് മരിച്ച അജീഷിന്റെ സംസ്കാര ചടങ്ങുകളുടെ ഭാഗമായുള്ള ശുശ്രൂഷയിലായിരുന്നു ബിഷപ്പിന്റെ വിമര്ശനം. വയനാട്ടിലെ കാട്ടാന ആക്രമണത്തില് സര്ക്കാരിനെതിരെ മാര്ത്തോമ സഭാധ്യക്ഷന് ഡോ. തിലഡോഷ്യസ് മെത്രാപൊലീത്തയും വിമര്ശനം ഉന്നയിച്ചു. സര്ക്കാര് സംവിധാനങ്ങളെല്ലാം ഉള്ളപ്പോഴും ജീവന് കൈമോശം വരുന്ന സാഹചര്യമാണ് ഉള്ളത്.
എത്ര പണം നഷ്ടപരിഹാരം കൊടുക്കാന് കഴുയുമെന്നല്ല ചിന്തിക്കേണ്ടതെന്ന് പറഞ്ഞ തിയഡോഷ്യസ് മാര്ത്തോമ്മ മെത്രാപൊലിത്ത തൊട്ടടുത്ത് പാര്ലമെന്റ് തെരഞ്ഞെടുപ്പ് ഉണ്ടെന്നും ഓര്മ്മപ്പെടുത്തി.