Friday, May 24, 2024
keralaNews

സംസ്ഥാനത്ത് ഇന്ന് മൂന്ന് കോവിഡ് മരണം

സംസ്ഥാനത്ത് ഇന്ന് മൂന്ന് കോവിഡ് മരണങ്ങള്‍ റിപ്പോര്‍ട്ട് ചെയ്തു. തിരുവനന്തപുരം പുല്ലമ്പാറ സ്വദേശി മുഹമ്മദ് ബഷീറാണ് മെഡിക്കല്‍ കോളജില്‍ ഇന്നലെ രാത്രി മരിച്ചത്. 44 വയസായിരുന്നു.ചൊവ്വാഴ്ച്ചയാണ് ഇദ്ദേഹത്തിന് കോവിഡ് സ്ഥിരീകരിച്ചത്. കോവിഡിന് പുറമേ വൃക്ക സംബന്ധമായ രോഗങ്ങളും ഇദ്ദേഹത്തിനുണ്ടായിരുന്നു. ഭാര്യയ്ക്കും കോവിഡ് സ്ഥിരീകരിച്ചു.
തിരുവല്ല കുറ്റൂര്‍ പടിഞ്ഞാറേ കളീക്കല്‍ പി.വി.മാത്യുവാണ് കോവിഡ് ബാധിച്ച് മരിച്ച മറ്റൊരു വ്യക്തി. 60 വയസായിരുന്നു ,കോട്ടയം മെഡിക്കല്‍ കോളേജില്‍ ചികിത്സയിലിരിക്കെ ഇന്നലെ രാത്രിയോടെയാണ് മരണം. പ്രമേഹരോഗിയായിരുന്നു ഇദ്ദേഹം. ഡയാലിസിസിനായി തിരുവല്ലയിലെ സ്വകാര്യ ആശുപത്രിയില്‍ എത്തിച്ചപ്പോഴാണ് കോവിഡ് പോസിറ്റീവ് ആണെന്ന് കണ്ടെത്തിയത്.
ഇവര്‍ക്ക് പുറമേ, കോഴിക്കോട് വടകര സ്വദേശി മോഹനനാണ് കോവിഡ് ബാധിച്ച് മരിച്ചത്. ഹൃദ്രോഗവും പ്രമേഹവും വൃക്കരോഗവും അടക്കമുള്ള അസുഖങ്ങള്‍ ഇയാള്‍ക്ക് ഉണ്ടായിരുന്നുവെന്നാണ് വിവരം. ആശുപത്രിയിലേക്കെത്തുമ്‌ബോള്‍ തന്നെ നില വഷളായിരുന്നുവെന്ന് ഡോക്ടര്‍മാര്‍ അറിയിച്ചു

Leave a Reply