സംസ്ഥാനത്തെ കോവിഡ് വര്ധനവ് മൂലമുണ്ടായ ലോക്ഡൗണിനെ തുടര്ന്ന് മറ്റെല്ലാ മേഖലയും പോലെ പ്രതിസന്ധിയിലായി കാറ്ററിംഗ് സര്വ്വീസുകാരും പാചക തൊഴിലാളികളും. വിവാഹങ്ങള്ക്കും മറ്റു സല്കാരങ്ങള്ക്കും നിയന്ത്രണം വന്നതോടെ നൂറുകണക്കിന് ആളുകളുടെ വരുമാനമാര്ഗമാണ് വഴിമുട്ടിയത്.ചെറുതും വലുതുമായ ഒട്ടേറെ കാറ്ററിംഗ് സ്ഥാപനങ്ങള് ജില്ലയില് ഉണ്ട്. ഇവരുടെ ഏറ്റവും തിരക്കേറിയ സീസണ് കൂടിയാണ് കോവിഡ് മൂലം ഇല്ലാതായത്. പാചകക്കാര് മുതല് സെര്വീസ് ജോലിക്കാര് വരെ ഈ കൂട്ടത്തിലുണ്ട്.സീസണ് മുന്നില്കണ്ട് വായ്പയെടുത്ത ലക്ഷക്കണക്കിന് രൂപയുടെ സാധനങ്ങള് വാങ്ങിയ പല സ്ഥാപനങ്ങളും ഇപ്പോള് കടക്കെണിയിലാണ്. തൊഴിലാളികള്ക്ക് എങ്ങനെ ശമ്ബളം കൊടുക്കുമെന്ന ആശങ്കയിലാണ് കാറ്ററിംഗ് നടത്തിപ്പുകാര്. സീസണ് തീരുന്നതോടെ ഇവരുടെ ഈ വര്ഷത്തെ പ്രതീക്ഷകള്ക്കും കൂടിയാണ് അന്ത്യമാകുന്നത്.കൂലിപണിയെടുക്കുന്നവര് മുതല് കച്ചവടസ്ഥാപനങ്ങള് വരെ ലോക്ഡൗണ് കാലത്ത് വരുമാനം നിലച്ച് വഴിമുട്ടിയിരിക്കുകയാണ്. ലോക്ഡൗണ് പിന്വലിച്ചാല് മാത്രം പോരാ ജനജീവിതം സാധാരണഗതിയില് ആയാല് മാത്രമേ ഇവര്ക്ക് ഇനി പിടിച്ചു നില്ക്കാനാവൂ.
![](https://keralabreaking.com/wp-content/uploads/2020/08/KB-Logo.png)