മലയോര മേഖലയില്‍ മഴ കനക്കുന്നു
മുണ്ടക്കയം: ഇന്നലെ രാത്രിയില്‍ ആരംഭിച്ച കനത്ത മഴയില്‍ മലയോര മേഖലയിലെ ആറുകളില്‍ ജലനിരപ്പ് ഉയരുന്നു. കൂട്ടിക്കല്‍ ചപ്പാത്ത് മേഖലയില്‍ ജലനിരപ്പ് പാലത്തിന് തൊട്ട് താഴെ വരെ എത്തി. മണിമലയാറില്‍ മുണ്ടക്കയം ടൗണില്‍ പാലത്തിന് തൊട്ട് താഴെ വരെ വെള്ളം ഉയര്‍ന്നിരിക്കുകയാണ്.
ഇതുവരെ മഴ നില്‍ക്കാതെ ശക്തമാകുന്നതിനാല്‍ ജലനിരപ്പ് ഇനിയും ഉയരാനാണ് സാധ്യതയെന്നും നാട്ടുകാര്‍ പറഞ്ഞു. മണിമലയാറ്റില്‍ എരുമേലി കൊരട്ടിയിലും, ഓരുങ്കല്‍ കടവ്, ടൗണിലെ വലിയ തോട്, കൊച്ച് തോട് എന്നിവടങ്ങളിലും വലിയ വെള്ളമൊഴുക്കാണ് ഉണ്ടായിക്കൊണ്ടിരിക്കുന്നത് . മഴ ശക്തമാകുന്നതിനാല്‍ ജനങ്ങള്‍ ജാഗ്രത പാലിക്കണമെന്ന് അധികൃതര്‍ മുന്നറിയിപ്പ് നല്‍കി.
