എരുമേലി : എരുമേലി ഗ്രാമ പഞ്ചായത്തിലെ മലയോര മേഖലയില്‍ കര്‍ഷകര്‍ നടത്തിയ ബഫര്‍ വിരുദ്ധ സോണ്‍ സമരത്തില്‍ പങ്കെടുത്തതിന്റെ പേരില്‍ പോലീസ് എടുത്ത കേസില്‍ കോടതി ശിക്ഷിച്ച പിഴ അടച്ചു . ബഫര്‍ സേണ്‍ വിരുദ്ധ സമര സമിതിയുടെ നേതൃത്വത്തില്‍ പങ്കെടുത്തവരില്‍ 37 പേര്‍ക്കെതിരെയാണ് പോലീസ് കേസ് എടുത്തിരുന്നത് .സമാധാനപരമായി നടത്തിയ ജനകീയ സമരത്തില്‍ പങ്കെടുത്തവര്‍ക്കെതിരെ കേസെടുത്ത നടപടിക്കെതിരെ പ്രതിഷേധം ഉയര്‍ന്നുവെങ്കിലും കേസുമായി മുന്നോട്ട് പോകാന്‍ കഴിയാത്ത സാഹചര്യമായതിനാല്‍ സമര സമിതി പിഴ അടക്കാന്‍ തീരുമാനിക്കുകയായിരുന്നു , ഒന്നും, രണ്ടും, മൂന്നും കേസുകളുള 37 പേര്‍ക്ക് 37000 രൂപയാണ് കാഞ്ഞിരപ്പള്ളി കോടതി പിഴ വിധിച്ചത്. പിഴ അടക്കുന്നതിനായി ബഫര്‍ സോണ്‍ വിരുദ്ധ സമിതി എരുമേലിയില്‍ ഇന്നലെ’ തെണ്ടല്‍ പിരിവ് നടത്തിയിരുന്നു. എരുമേലി, മുക്കൂട്ടുതറ ടൗണുകളിലും, 11, 12 വാര്‍ഡുകളിലുമായി നടത്തിയ തെണ്ടല്‍ പിരിവില്‍ തൊണ്ണൂറായിരം രൂപയാണ് പിരിച്ചത് . ഇനി വനം വകുപ്പ് എടുത്ത കേസാണ് നിലവിലുള്ളത്. എരുമേലി ഗ്രാമ പഞ്ചായത്ത് പ്രസിഡന്റ് മറിയാമ്മ സണ്ണി, ബഫര്‍ സോണ്‍ വിരുദ്ധ സമര സമിതി കണ്‍വീനര്‍ പി ജെ സെബാസ്റ്റ്യന്‍ , വാര്‍ഡംഗം മാത്യു ജോസഫ് , കമ്മറ്റിയംഗം ജോസ് താഴത്തു പീടിക, സന്തോഷ് എന്നിവര്‍ നേതൃത്വത്തിലാണ് തെണ്ടല്‍ പിരിവ് നടത്തിയത്.
