Monday, February 26, 2024
keralaNews

കൈതപ്രം ദാമോദരന്‍ നമ്പൂതിരി ജന്മാഷ്ടമി പുരസ്‌ക്കാരം

 

ബാലഗോകുലം ബാല സംസ്‌കാര കേന്ദ്രം ഏര്‍പ്പെടുത്തിയിട്ടുള്ള ഇരുപത്തിനാലാമത് ജന്മാഷ്ടമി പുരസ്‌കാരത്തിന് ഗാനരചയിതാവും കവിയുമായ കൈതപ്രം ദാമോദരന്‍ നമ്പൂതിരി അര്‍ഹനായി.ശ്രീകൃഷ്ണ ദര്‍ശനങ്ങളെ മുന്‍നിര്‍ത്തി സാഹിത്യം, കല, വൈജ്ഞാനിക രംഗങ്ങളില്‍ മികച്ച സംഭാവന ചെയ്തിട്ടുള്ള വ്യക്തികളെയാണ് പുരസ്‌കാരത്തിന് തിരഞ്ഞെടുക്കുന്നത്. 51,000 രൂപയും ശില്‍പ്പവും പ്രശസ്തി പത്രവും അടങ്ങുന്നതാണ് പുരസ്‌കാരം. കോവിഡ് മാനദണ്ഡങ്ങള്‍ പാലിച്ച് സെപ്തംബര്‍ അഞ്ചിന് കോഴിക്കോട് ചേരുന്ന ചടങ്ങില്‍ എം.ടി. വാസുദേവന്‍ നായര്‍ പുരസ്‌കാരം സമര്‍പ്പിക്കും.ശ്രീകുമാരന്‍ തമ്പി ചെയര്‍മാനും പി.കെ. ഗോപി, പ്രൊഫ. സി.എന്‍. പുരുഷോത്തമന്‍ എന്നിവര്‍ അംഗങ്ങളുമായുള്ള ജൂറിയാണ് പുരസ്‌കാര ജേതാവിനെ തെരഞ്ഞെടുത്തത്.