എരുമേലി : കുളികടവില്‍ അപകടത്തില്‍പ്പെട്ട തീര്‍ത്ഥാടകനെ ലൈഫ് ഗാര്‍ഡുകള്‍ രക്ഷപ്പെടുത്തി. എരുമേലി പഞ്ചായത്ത് എയ്ഞ്ചല്‍വാലി വാര്‍ഡില്‍ ആറാട്ടുകയം കുളികടവില്‍ ഇന്ന് ഉച്ചകഴിഞ്ഞ് മൂന്ന് മണിയോടെയായിരുന്നു സംഭവം. ശബരിമല ദര്‍ശനം കഴിഞ്ഞ് മടങ്ങിവന്ന ബാംഗ്ലൂരില്‍ നിന്നുള്ള തീര്‍ത്ഥാടക സംഘം കുളിക്കുന്നതിനിടെ ശ്രീനാഥ് എന്ന തീര്‍ത്ഥാടകനാണ് ഒഴുക്കില്‍പ്പെടുകയായിരുന്നു , കയത്തില്‍ മുങ്ങിത്താഴുന്നതിനിടെ ലൈഫ് ഗാര്‍ഡുമാരായ അമല്‍ ജോസഫ് സണ്ണിയും, ബിനു പാലമൂട്ടിലും അതി സാഹസികമായി ഇരുവരും വെള്ളത്തിലേക്ക് എടുത്ത് ചാടി തീര്‍ത്ഥാടകനെ പിടിച്ച് രക്ഷപ്പെടുത്തുകയായിരുന്നു. കുളിച്ചു കൊണ്ടിരിക്കെ വെള്ളം കുടിച്ച് അപകടത്തില്‍പ്പെടുകയായിരുന്നുവെന്നും വാര്‍ഡംഗം കൂടിയായ പഞ്ചായത്ത് പ്രസിഡന്റ് മറിയാമ്മ സണ്ണി പറഞ്ഞു. മറ്റ് ശാരീരിക ബുദ്ധിമുട്ട് ഇല്ലാത്തതിനാല്‍ തീര്‍ത്ഥാടക സംഘം തിരികെ പോകുകയും ചെയ്തു.
