എരുമേലി : ശബരിമല തീര്‍ത്ഥാടനം ആരംഭിച്ച് ഒമ്പത് ദിവസം പിന്നിടുമ്പോഴാണ് എരുമേലിയിലെത്തുന്ന തീര്‍ത്ഥാടകരുട എണ്ണത്തില്‍ കുറവ് കാണുന്നത്. തീര്‍ത്ഥാടനത്തിന്റെ തുടക്കത്തിലും തീര്‍ത്ഥാടകരുടെ എണ്ണത്തില്‍ കുറവ് ഉണ്ടായിരുന്നതായി കച്ചവടക്കാര്‍ പറഞ്ഞു.
എരുമേലി ശ്രീ ധർമ്മ ശാസ്താ ക്ഷേത്രം രാത്രികാല ചിത്രം
ഇതിനിടെ രണ്ടോ – മൂന്നോ ദിവസം മാത്രമാണ് എരുമേലിയില്‍ തീര്‍ത്ഥാടകരുടെ തിരക്ക് അനുഭവപ്പെട്ടത്. എന്നാല്‍ ശബരിമലയില്‍ തിരക്കിന് കുറവില്ലെന്നും അധികൃതര്‍ പറഞ്ഞു . തീര്‍ത്ഥാടനത്തിന്റെ പ്രധാന കേന്ദ്രമായ എരുമേലിയിലെ തിരക്ക് കുറവ് കച്ചവടക്കാരെ സാരമായി ബാധിക്കുമെന്നാണ് ഇവര്‍ പറയുന്നത്.
എരുമേലി പള്ളി
സംസ്ഥാനത്തിനകത്തുള്ള തീര്‍ത്ഥാടകരാണ് ഇപ്പം കൂടുതലായി വരുന്നത് . കര്‍ണാടക, തമിഴ്‌നാട്, ആന്ധ്ര എന്നീ സംസ്ഥാനങ്ങളില്‍ നിന്നുള്ള നീര്‍ത്ഥാടകരും എത്തുന്നുണ്ടെങ്കിലും കുറവാണെന്നും കച്ചവടക്കാര്‍ പറയുന്നു. തീര്‍ത്ഥാടകരുടെ എണ്ണത്തില്‍ കുറവ് ഉണ്ടായാല്‍ അത് തീര്‍ത്ഥാടനത്തെ ആശ്രയിക്കുന്നവര്‍ക്ക് വന്‍ സാമ്പത്തിക ബാധ്യതയ്ക്ക് വഴിയൊരുക്കുമെന്നും പറയുന്നു. വരും ദിവസങ്ങളില്‍ കൂടുതല്‍ തീര്‍ത്ഥാടകര്‍ എത്തുമെന്ന പ്രതീക്ഷയിലാണ് എല്ലാവരും .
