അജ്ഞാത വിലാസത്തില്‍ വിത്തുകള്‍ ലഭിച്ചാല്‍ അവ ഉപയോഗിക്കരുതെന്ന് കേന്ദ്ര സര്‍ക്കാരിന്റെ മുന്നറിയിപ്പ്. പച്ചക്കറി, പഴവര്‍ഗങ്ങളുടെ വിത്തുകളാണ് ഇത്തരത്തില്‍ അജ്ഞാത മേല്‍വിലാസത്തില്‍ ലഭിക്കുന്നത്. ഇത് ദോഷം ചെയ്യുമെന്ന് കേന്ദ്ര കൃഷി വകുപ്പ് പറയുന്നു.
ഈ വിത്തുകള്‍ മണ്ണിന് ദോഷം ചെയ്യുമെന്നും അതിനാല്‍ കത്തിച്ച് കളയണമെന്നുമാണ് ഓഫീസര്‍മാര്‍ക്ക് നിര്‍ദേശം ലഭിച്ചിരിക്കുന്നത്. മണ്ണിന്റെ വളക്കൂറ് നഷ്ടപ്പെടാനും വിള നാശത്തിനും ഈ വിത്തുകളിലുള്ള ഘടകങ്ങള്‍ കാരണമാകുമെന്നാണ് വിവരം. ഇത്തരം വിത്തുകള്‍ ലഭിച്ചാല്‍ കൃഷിഭവനെ വിവരം അറിയിക്കണമെന്നും മുന്നറിയിപ്പുണ്ട്.
