മകളെ കൊലപ്പെടുത്തിയ അച്ഛന് ജീവപര്യന്തം ശിക്ഷ
കൊച്ചി: തന്റെ സ്വന്തം മകള്ക്ക് മദ്യം നല്കി ശ്വാസംമുട്ടിച്ച് ബോധരഹിതയാക്കിയ ശേഷം പുഴയിലെറിഞ്ഞു കൊന്ന കൊലപ്പെടുത്തിയ കേസില് അച്ഛന് സനുമോഹന് ജീവപര്യന്തരം ശിക്ഷ വിധിച്ച് കോടതി. പ്രതിക്കെതിരെ ചുമത്തിയ എല്ലാ കുറ്റവും തെളിഞ്ഞുവെന്ന് കണ്ടെത്തിയാണ് കോടതി ശിക്ഷ വിധിച്ചത്.
70 വയസുള്ള അമ്മയെ നോക്കാന് ആളില്ലെന്നും ശിക്ഷയില് ഇളവ് വേണമെന്നും സനു മോഹന് കോടതിയില് ആവശ്യപ്പെട്ടെങ്കിലും കോടതി വിലക്കെടുത്തില്ല.11 മണി മുതല് ശിക്ഷ വിധിയില് വാദം കേട്ടശേഷമാണ് ഉച്ചയ്ക്ക് ശേഷം വിധി പറഞ്ഞത്. അപൂര്വ്വത്തില് അപൂര്വ്വമായ കുറ്റകൃത്യമാണെന്നും വധശിക്ഷ നല്കണമെന്നും പ്രോസിക്യൂഷന് ആവശ്യപ്പെട്ടിരുന്നു. 2021 മാര്ച്ച് 21നാണ് സംഭവം.
കൊച്ചി സ്വദേശി വൈഗയെന്ന പത്തുവയസുപ്രായമുളള മകളെ മദ്യം നല്കി ശ്വാസംമുട്ടിച്ച് ബോധരഹിതയാക്കിയ ശേഷം അച്ഛന് പുഴയിലെറിഞ്ഞു കൊന്നത്. പിന്നീട് കടന്നുകളഞ്ഞ പ്രതിയെ ഒരു മാസത്തിന് ശേഷമാണ് കോയമ്പത്തൂരില് നിന്നും പിടികൂടിയത്. ഒരു വര്ഷത്തോളം നീണ്ട വിചാരണക്കൊടുവിലാണ് വിധി.