എരുമേലിയിൽ അയ്യപ്പ ഭക്തർക്ക് അന്നദാനം വിതരണം തുടങ്ങി
എരുമേലി: ശ്രീ അയ്യപ്പ ധർമ്മ സേവാ സംഘത്തിന്റെ ആഭിമുഖ്യത്തിൽ
ശബരിമല തീർത്ഥാടനത്തിന്റെ ഭാഗമായി എരുമേലിയിൽ അയ്യപ്പഭക്തർക്ക് അന്നദാന വിതരണം ആരംഭിച്ചു. എരുമേലി കെഎസ്ആർടിസി സെന്ററിന് സമീപം ആരംഭിച്ച അന്നദാന വിതരണത്തിന്റെ ഉദ്ഘാടനം എരുമേലി മുസ്ലിം ജമാഅത്ത് പ്രസിഡന്റ് പി എ ഇർഷാദ് നിർവഹിച്ചു. കഴിഞ്ഞ 15 വർഷമായി
അന്നദാനം വിതരണം ചെയ്യുന്ന സംഘം ശബരിമലയിലെ നിയന്ത്രണങ്ങൾക്കുശേഷം കഴിഞ്ഞ ഏഴ് വർഷമായി എരുമേലി കേന്ദ്രീകരിച്ച് അന്നദാനം നടത്തുകയാണ് . തഞ്ചാവൂർ കേന്ദ്രമായി പ്രവർത്തിക്കുന്ന ശ്രീ അയ്യപ്പ ധർമ്മ സേവ സംഘം തമിഴ്നാട്, പോണ്ടിച്ചേരി മേഖലകളിലായി 424 ബ്രാഞ്ചുകളിലായി പ്രവർത്തിക്കുന്നു.
ചടങ്ങിൽ എരുമേലി ആരോഗ്യ വകുപ്പ് ഹെൽത്ത് ഇൻസ്പെക്ടർ ഷാജി, സംഘം പ്രസിഡന്റ് വി കൃഷ്ണസ്വാമി,ശരവണൻ ജനറൽ സെക്രട്ടറി,ഖജാൻജി മതിവാണൻ , എക്സിക്യൂട്ടീവ് കമ്മിറ്റി അംഗം പനീർ ശെൽവം, അഡ്മിനിസ്ട്രേറ്റീവ് സെക്രട്ടറി ജി.ജീവ ,പൊതുപ്രവർത്തകനായ കണ്ണൻ, കേരള ബ്രേക്കിംഗ് ഓൺ ലൈൻ ന്യൂസ് ചീഫ് എഡിറ്റർ ജിഷമോൾ പി എസ് എന്നിവർ സംസാരിച്ചു.