മധ്യവസ്ക്കനെ കഴുത്ത് അറുത്ത് മരിച്ച നിലയില് കണ്ടെത്തി.
പാലക്കാട്: മണ്ണാര്ക്കാട് മധ്യവസ്ക്കനെ കഴുത്ത് അറുത്ത് മരിച്ച നിലയില് കണ്ടെത്തി. ചന്തപ്പടി പള്ളിക്കുന്നിലെ കോര്ട്ടേഴ്സില് വാടകയ്ക്കു താമസിക്കുന്ന കുന്തിപ്പുഴ കൊളക്കാടന് ഹംസയുടെ മകള് മറിയയുടെ ഭര്ത്താവ് അബ്ദുല്ല (60) യെയാണ് മരിച്ച നിലയില് കണ്ടെത്തിയത്. അബ്ദുല്ല തമിഴ്നാട് വേലൂര് കാട്ട്പാഡി സ്വദേശിയാണ്. ഞായറാഴ്ച ഉച്ചയോടെയാണ് കോര്ട്ടേഴ്സിന്റെ പുറത്തെ ഷെഡില് അബ്ദുല്ലയെ കഴുത്തറത്ത നിലയില് കണ്ടെത്തിയത്. കഴുത്തറക്കാന് ഉപയോഗിച്ചതെന്ന് കരുതുന്ന കത്തിയും സമീപത്തു നിന്ന് കണ്ടെത്തി. രാവിലെ എട്ട് മണിക്കും 12 മണിക്കും ഇടയ്ക്കാണ് സംഭവം. ഈ സമയത്ത് വീട്ടില് ആരുമുണ്ടായിരുന്നില്ല. പൊലീസ് സ്ഥലത്ത് എത്തി പരിശോധന നടത്തി. സ്വയം കഴുത്തറുത്തതാണെന്നാണ് പൊലീസിന്റെ പ്രാഥമിക നിഗമനം.