എല്ദോസ് കുന്നിപ്പിള്ളിയുടെ ജാമ്യം റദ്ദാക്കണമെന്നാവശ്യപ്പെട്ട് സര്ക്കാര് നല്കിയ ഹര്ജിനാണ് പരിഗണിക്കും
കൊച്ചി: എല്ദോസ് കുന്നപ്പിള്ളി എം.എല്.എ പ്രതിയായ ബലാത്സംഗക്കേസില്, എം.എല്.എയുടെ ജാമ്യം റദ്ദാക്കണമെന്നാവശ്യപ്പെട്ട് സര്ക്കാര് നല്കിയ ഹര്ജി ഹൈക്കോടതി ഇന്ന് വീണ്ടും പരിഗണിക്കും. അന്വേഷണം പ്രാഥമിക ഘട്ടത്തില് നില്ക്കെ പ്രതിയ്ക്ക് ജാമ്യം അനുവദിച്ച തിരുവനന്തപുരം അഡീഷണല് സെഷന്സ് കോടതി ഉത്തരവ് നിയമ വിരുദ്ധമാണെന്നാണ് ഹര്ജിയില് പറയുന്നത്.എംഎല്എ അന്വേഷണവുമായി സഹകരിക്കുന്നില്ലെന്നും കസ്റ്റഡിയില് ചോദ്യം ചെയ്യേണ്ടതുണ്ടെന്നുമാണ് ആവശ്യം. നേരത്തെ ഹര്ജി പരിഗണിച്ച കോടതി, എല്ലാ ദിവസവും അന്വേഷണ ഉദ്യേഗസ്ഥന് മുന്നില് ചോദ്യം ചെയ്യലിന് ഹാജരാകണമെന്ന് ഇടക്കാല ഉത്തരവില് നിര്ദ്ദേശം നല്കിയിരുന്നു. അന്വേഷണവുമായി സഹകരിക്കണമെന്നും ഉത്തരവില് നിര്ദ്ദേശിച്ചിട്ടുണ്ട്. ജസ്റ്റിസ് കൗസര് എടപ്പഗത്താണ് ഹര്ജി പരിഗണിക്കുന്നത്. ബലാത്സംഗക്കേസിലെ പരാതികാരിയെ മര്ദിച്ചെന്ന കേസിലും എല്ദോസ് കുന്നപ്പിള്ളിക്ക് മുന്കൂര് ജാമ്യം ലഭിച്ചിരുന്നു. അഭിഭാഷകന്റെ ഓഫീസില് വെച്ച് മര്ദ്ദിച്ചുവെന്ന കേസില് കര്ശന ഉപാധികളോടെയാണ് ജാമ്യം അനുവദിച്ചിരിക്കുന്നത്. സെപ്തംംബര് 28നാണ് എല്ദോസ് കുന്നപ്പിള്ളി ശാരീരികമായി ഉപദ്രവിച്ചെന്നു കാട്ടി പേട്ട നിവാസിയായ യുവതി പരാതി നല്കിയത്.മദ്യപിച്ചു വീട്ടിലെത്തി തന്നെ ഉപദ്രവിച്ചെന്നും പിന്നീട് കാറില് ബലമായി കയറ്റി കോവളത്തേക്കു പോകുമ്പോള് വീണ്ടും ഉപദ്രവിച്ചെന്നും യുവതി സിറ്റി പോലീസ് കമ്മീഷണര്ക്ക് നല്കിയ പരാതിയില് ആരോപിച്ചിരുന്നു.