ഹത്റാസ് പീഡനക്കേസ് അന്വേഷണം സിബിഐയ്ക്ക് കൈമാറി.
ഹത്റാസ് പീഡനക്കേസ് അന്വേഷണം സിബിഐയ്ക്ക് കൈമാറി. പൊലീസുകാര്ക്കെതിരായ അച്ചടക്ക നടപടിക്ക് തുടര്ച്ചയായാണ് തീരുമാനം. ബിജെപി കേന്ദ്ര നേത്യത്വത്തിന്റെ നിര്ദേശത്തെ തുടര്ന്നാണ് ഉത്തര്പ്രദേശ് സര്ക്കാരിന്റെ നടപടി.
നേരത്തെ ഹത്റാസ് കൂട്ടബലാത്സംഗക്കേസിലെ പ്രതികള്ക്കെതിരെ കര്ശന നടപടി സ്വീകരിക്കാന് പ്രധാനമന്ത്രി നരേന്ദ്ര മോദി നിര്ദേശം നല്കിയതായി ഉത്തര് പ്രദേശ് മുഖ്യമന്ത്രി യോഗി ആദിത്യനാഥ് പറഞ്ഞിരുന്നു.അതേസമയം ഇന്ന് വൈകിട്ട് ഹത്റാസിലെ ഗ്രാമത്തിലെത്തി രാഹുല് ഗാന്ധിയും പ്രിയങ്ക ഗാന്ധിയും കൊല്ലപ്പെട്ട ദളിത് യുവതിയുടെ കുടുംബാംഗങ്ങളെ നേരിട്ട് കണ്ടിരുന്നു. കഴിഞ്ഞ ദിവസം ഹത്റാസിലേക്ക് പോകാന് എത്തിയ രാഹുലിനെ യുപി പൊലീസ് കൈകാര്യം ചെയ്തത് വലിയ വിവാദമായിരുന്നു.ഹത്റാസ് വിഷയം യുപി സര്ക്കാരിനും കേന്ദ്രസര്ക്കാരിനും ബിജെപിക്കും ഒരുപോലെ തിരിച്ചടിയായി മാറുന്നു സാഹചര്യത്തിലാണ് സിബിഐ അന്വേഷണം പ്രഖ്യാപിച്ച് പ്രശ്നം ഒതുക്കാനുള്ള നീക്കം നടക്കുന്നത്.