രാജ്യത്ത് 3,66,161 പേര്ക്ക് കോവിഡ്; 3,754 മരണം
രാജ്യത്ത് 24 മണിക്കൂറിനിടെ 3,66,161 പേര്ക്ക്കൂടി കോവിഡ് സ്ഥിരീകരിക്കുകയും ചികിത്സയിലുണ്ടായ 3,53,818 പേര് രോഗമുക്തരാകുകയും ചെയ്തു. 3,754 മരണവും കഴിഞ്ഞ ദിവസം സ്ഥിരീകരിച്ചതായി ആരോഗ്യ മന്ത്രാലയം അറിയിച്ചു. ഇതുവരെ കോവിഡ് ബാധിച്ചവരുടെ എണ്ണം 2,26,62,575 ആയി. 1,86,71,222 പേരാണ് ഇതുവരെ രോഗമുക്തരായത്. 2,46,116 പേര്ക്കാണ് ഇതുവരെ കോവിഡ് മൂലം ജീവന് നഷ്ടപ്പെട്ടത്. നിലവില് 37,45,237 പേരാണ് രാജ്യത്ത് കോവിഡ് ബാധിച്ച് ചികിത്സയില് കഴിയുന്നത്. അതേസമയം, 17,01,76,603 പേര്ക്ക് വാക്സിന് നല്കിയതായും കേന്ദ്ര ആരോഗ്യ മന്ത്രാലയം അറിയിച്ചു.