മുതിര്ന്ന മാധ്യമപ്രവര്ത്തകന് എ സഹദേവന് അന്തരിച്ചു.
കൊല്ലം: മുതിര്ന്ന മാധ്യമപ്രവര്ത്തകന് എ സഹദേവന് അന്തരിച്ചു. കോട്ടയത്തെ സ്വകാര്യ ആശുപത്രിയില് ചികിത്സയിലിരിക്കെയാണ് അന്ത്യം. കരള് രോഗത്തെ തുടര്ന്നാണ് ആശുപത്രിയില് പ്രവേശിപ്പിക്കുന്നത്. ഹൃദയാഘാതത്തെ തുടര്ന്നാണ് ആരോഗ്യനില വഷളായത്. മാതൃഭൂമി, ഇന്ത്യാവിഷന്, മനോരമ മീഡിയ സ്കൂള് എന്നിവിടങ്ങളില് പ്രവര്ത്തിച്ചിരുന്നു.മലയാള മാധ്യമരംഗത്ത് സിനിമ വിശകലനത്തിന്റെയും അവലോകനത്തിന്റെയും പുതുവഴികള് തുറന്നിട്ട മാധ്യമപ്രവര്ത്തകനായിരുന്നു എ സഹദേവന്. സിനിമയ്ക്കൊപ്പം പരിസ്ഥിതി, സ്ത്രീപക്ഷ എഴുത്ത് എന്നിവയെ ചേര്ത്തുപിടിച്ച സഹദേവന്, ദൃശ്യമാധ്യമ രംഗത്തും തനതായ ശൈലിയിലൂടെ എന്നും വേറിട്ടുനിന്നു.