മുട്ടില് മരംമുറി കേസ്: ആരോപണവിധേയനായ എന് ടി സാജന്റെ പുതിയ നിയമനത്തിന് സ്റ്റേ
കൊച്ചി: മരംമുറി കേസില് ആരോപണവിധേയനായ ഡെപ്യൂട്ടി കണ്സര്വേറ്റര് എന് ടി സാജന് ചീഫ് കണ്സര്വേറ്ററുടെ അധികാരം നല്കിയ സര്ക്കാര് നടപടിക്ക് സ്റ്റേ.
കേന്ദ്ര അഡ്മിനിസ്ട്രേറ്റീവ് ട്രൈബ്യൂണലാണ് ഉത്തരവ് സ്റ്റേ ചെയ്തത്. ദക്ഷിണമേഖലാ ചീഫ് കണ്സര്വേറ്ററായിരുന്ന സഞ്ജയന് കുമാര് നല്കിയ ഹര്ജിയിലാണ് നടപടി.
വിഷയത്തില് അഡ്മിനിസ്ട്രേറ്റീവ് ട്രൈബ്യൂണല് സര്ക്കാരിന്റെ മറുപടി തേടി. വ്യാഴാഴ്ച്ച വീണ്ടും കേസ് പരിഗണിക്കും.
സാജനെ അപ്രധാന തസ്തികയിലേക്ക് സ്ഥലം മാറ്റാനായിരുന്നു തീരുമാനമെങ്കിലും അത് നടപ്പാക്കിയിരുന്നില്ല.
എന്നാല് സാജനെതിരെ അന്വേഷണ റിപ്പോര്ട്ട് തയ്യാറാക്കിയ വിനോദ് കുമാറിന് അപ്രധാനമായ സോഷ്യല് ഫോറസ്ട്രിയുടെ ചുമതല നല്കിയിരുന്നു. മുട്ടില് മരം മുറി കണ്ടെത്തി അന്വേഷണ റിപ്പോര്ട്ട് സമര്പ്പിച്ച വിനോദ് കുമാര് പ്രതികള്ക്കെതിരെ കര്ശന നിലപാടാണ് സ്വീകരിച്ചിരുന്നത്.
കേസന്വേഷണം പൂര്ത്തിയാകാനിരിക്കെ വിനോദ് കുമാറിനെ സ്ഥലം മാറ്റിയത് ചട്ടങ്ങള് ലംഘിച്ചാണ്.