പെണ്കുട്ടിയെ ബലാത്സംഗം ചെയ്ത കൊലപ്പെടുത്തിയ കേസില് പ്രതിക്ക് വധശിക്ഷ
പ്രായപൂര്ത്തിയാകാത്ത പെണ്കുട്ടിയെ ബലാത്സംഗം ചെയ്ത കൊലപ്പെടുത്തിയ കേസില് പ്രതിക്ക് വധശിക്ഷ
അസമിലെ ബിശ്വനാഥ് ജില്ലയില് പ്രായപൂര്ത്തിയാകാത്ത പെണ്കുട്ടിയെ ബലാത്സംഗം ചെയ്യുകയും ക്രൂരമായി കൊലപ്പെടുത്തുകയും ചെയ്ത കേസില് പ്രതിക്ക് വധശിക്ഷ. ബിശ്വനാഥ് അഡീഷന് ജില്ലാ സെഷന്സ് കോടതിയാണ് പ്രതി മംഗല് പൈക് വധശിക്ഷ വിധിച്ചത് . 2018ല് ബിശ്വനാഥ് ജില്ലയിലെ സൂട്ട പൊലീസ് സ്റ്റേഷന് പരിധിയിലുള്ള ഡെക്കോറായ് ടീ ഗാര്ഡന് ഏരിയയിലാണ് ദാരുണ സംഭവം നടന്നത്. കൊല്ലപ്പെട്ട പെണ്കുട്ടിയുടെ ബന്ധുവാണ് മംഗല് പൈക്. പെണ്കുട്ടിയുടെ വീട്ടില് ജോലിക്കെത്തിയ പ്രതി ചോക് ലേറ്റ് വാഗ്ദാനം ചെയ്ത് പെണ്കുട്ടിയെ വനത്തിലേക്ക് കൊണ്ടു പോവുകയായിരുന്നു.
ബലാത്സംഗം ചെയ്ത ശേഷം പെണ്കുട്ടിയെ കൊലപ്പെടുത്തിയ മംഗല് മൃതദേഹം ഒളിപ്പിക്കുകയും ചെയ്തു. കുട്ടിയെ കാണാതായതിനെ തുടര്ന്ന് കുടുംബാംഗങ്ങള് സൂതിയ പൊലീസ് സ്റ്റേഷനില് പരാതി നല്കി. തുടര്ന്ന് നടത്തിയ തെരച്ചിലിലാണ് മൃതദേഹം കണ്ടെടുത്തത്. ഇന്ത്യന് ശിക്ഷാ നിയമത്തിലെ 363, 376 (എ), 302, 201 വകുപ്പുകള്, ലൈംഗിക പീഡനങ്ങളില് നിന്ന് കുട്ടികളെ സംരക്ഷിക്കുന്നതിനുള്ള ആറാം വകുപ്പ് എന്നിവ പ്രകാരം മംഗല് പൈക്ക് കുറ്റക്കാരനാണെന്ന് കോടതി വിധിച്ചു. പീഡനത്തിന് ഇരയായത് പ്രായപൂര്ത്തിയാകാത്ത കുട്ടിയായതില് പ്രതിക്കെതിരെ പോക്സോ നിയമവും ചുമത്തി.