പുതുപ്പള്ളിയില് ലിജിന്ലാല് എന് ഡി എ സ്ഥാനാര്ത്ഥി
കോട്ടയം: ഉമ്മന് ചാണ്ടിയുടെ മരണത്തെ തുടര്ന്ന് പുതുപ്പള്ളിയില് നടക്കുന്ന ഉപതെരഞ്ഞെടുപ്പില് എന് ഡി എ സ്ഥാനാര്ത്ഥിയെ പ്രഖ്യാപിച്ചു. ബിജെപി കോട്ടയം ജില്ലാ അധ്യക്ഷനായ ലിജിന് ലാലാണ് എന് ഡി എ സ്ഥാനാര്ത്ഥി. യുവമോര്ച്ച ജില്ലാ പ്രസിഡന്റ്, സംസ്ഥാന സെക്രട്ടറി എന്നീ നിലകളിലും ലിജിന് ലാല് പ്രവര്ത്തിച്ചിട്ടുണ്ട്. 2014 മുതല് ബിജെപി കോട്ടയം ജില്ലാ ജനറല് സെക്രട്ടറിയായിരുന്നു ലിജിന് ലാല്. മരങ്ങാട്ടുപിള്ളി കുറിച്ചിത്താനം സ്വദേശിയാണ്. മുന് മുഖ്യമന്ത്രി ഉമ്മന് ചാണ്ടിയുടെ വിയോഗത്തെ തുടര്ന്നാണ് പുതുപ്പള്ളിയില് ഉപതെരഞ്ഞെടുപ്പ് പ്രഖ്യാപിച്ചത്. അടുത്ത മാസം 5 നാണ് വോട്ടെടുപ്പ്. ഈ മാസം 17നാണ് നാമനിര്ദ്ദേശ പത്രിക സമര്പ്പിക്കാനുള്ള അവസാന തീയതി. 18ന് സൂക്ഷമ പരിശോധന. 21ന് പത്രികകള് പിന്വലിക്കാനുളള സമയം അവസാനിക്കും. അടുത്ത മാസം അഞ്ചാം തീയതി വോട്ടെടുപ്പും എട്ടിന് വോട്ടണ്ണലും നടക്കും. ഉമ്മന് ചാണ്ടിയുടെ മകന് ചാണ്ടി ഉമ്മനാണ് പുതുപ്പള്ളിയിലെ യുഡിഎഫ് സ്ഥാനാര്ത്ഥി. രണ്ട് തവണ ഉമ്മന്ചാണ്ടിക്കെതിരെ മത്സരിച്ച ജെയ്ക് സി തോമസാണ് എല്ഡിഎഫ് സ്ഥാനാര്ത്ഥി.