പി ടി തോമസിന്റെ മൃതദേഹം പാലാരിവട്ടത്തെ വീട്ടിലെത്തിച്ചു
കൊച്ചി: അന്തരിച്ച കോണ്ഗ്രസ് നേതാവ് പി ടി തോമസിന്റെ മൃതദേഹം കൊച്ചിയിലെ പാലാരിവട്ടത്തെ വീട്ടിലെത്തിച്ചു. പാലാരിവട്ടത്തെ വീട്ടില് 10 മിനിറ്റ് മാത്രമാണ് അന്തിമാഞ്ജലി അര്പ്പിക്കാനാവുക. എറണാകുളം ഡിസിസിയില് 20 മിനിറ്റ് ഭൗതിക ശരീരം പൊതുദര്ശനത്തിന് വെക്കും.എറണാകുളം ടൗണ്ഹാളില് വിപുലമായ പൊതുദര്ശനം നടക്കും. രാഹുല് ഗാന്ധി ടൗണ്ഹാളിലെത്തി അന്ത്യാഞ്ജലിയര്പ്പിക്കും. തൃക്കാക്കര ടൗണ്ഹാളില് നടക്കുന്ന പൊതുദര്ശനത്തില് വൈകിട്ട് അഞ്ചുമണിക്ക് മുഖ്യമന്ത്രി പിണറായി വിജയനെത്തും. നടന് മമ്മൂട്ടി അന്തിമോപചാരം അര്പ്പിച്ചു. എറണാകുളം രവിപുരം ശ്മശാനത്തില് പി ടിയുടെ ആഗ്രഹപ്രകാരം മതപരമായ ചടങ്ങുകള് ഒഴിവാക്കി 5.30 ന് ആകും സംസ്കാരചടങ്ങുകള് നടക്കുക. ഇന്നലെ രാവിലെ പത്ത് മണിയോടെയാണ് അര്ബുദബാധിതനായിരുന്ന പിടി തോമസ് മരണത്തിന് കീഴടങ്ങിയത്.