നടിയെ ആക്രമിച്ച കേസില് മൂന്ന് സാക്ഷികളെ വീണ്ടും വിസ്തരിക്കാന് കോടതി അനുമതി
കൊച്ചി: നടിയെ ആക്രമിച്ച കേസില് പ്രോസിക്യൂഷന് ആശ്വാസം. മൂന്ന് സാക്ഷികളെ വീണ്ടും വിസ്തരിക്കാന് കോടതി അനുമതി നല്കി. പുതിയ അഞ്ച് സാക്ഷികളെ കൂടി വിസ്തരിക്കാനുള്ള പ്രോസിക്യൂഷന്റെ ആവശ്യം ഹൈക്കോടതി അനുവദിച്ചു. കേസില് 10 ദിവസത്തിനകം പുതിയ സ്പെഷ്യല് പ്രോസിക്യൂട്ടറെ നിയമിക്കണമെന്നും ഹൈക്കോടതി നിര്ദ്ദേശിച്ചു. രേഖകള് വിളിച്ചു വരുത്തണം എന്ന ഹര്ജിയും അനുവദിച്ചു.അതേസമയം, അന്വേഷണ ഉദ്യോഗസ്ഥരെ അപായപ്പെടുത്താന് ശ്രമിച്ചെന്ന കേസില് നടന് ദിലീപ് നല്കിയ മുന്കൂര് ജാമ്യാപേക്ഷ ചൊവ്വാഴ്ച്ച പരിഗണിക്കും. അത് വരെ ദിലീപിനെ അറസ്റ്റ് ചെയ്യില്ലെന്നാണ് സര്ക്കാര് ഹൈക്കോടതിയില് ഉറപ്പ് നല്കിയത്. ദിലീപിന്റെ മുന്കൂര് ജാമ്യാപേക്ഷയെ ക്രൈംബ്രാഞ്ച് ശക്തമായിത്തന്നെ എതിര്ത്തിരുന്നു.
ക്രൈംബ്രാഞ്ച് ഡിവൈഎസ്പി ബിജു പൗലോസിന് തന്നോടുള്ള പ്രതികാരത്തിന്റെ ഭാഗമായാണ് പുതിയ കേസെടുത്തിരിക്കുന്നത് എന്നായിരുന്നു ദിലീപ് ഹര്ജിയില് പറഞ്ഞത്. അപായപ്പെടുത്താന് ഗൂഢാലോചനയെന്ന കേസ് പൊലീസിന്റെ കള്ളക്കഥ ആണെന്നും മുന്കൂര് ജാമ്യം തേടിയുള്ള ഹര്ജിയില് ദിലീപ് വ്യക്തമാക്കിയിരുന്നു. നടിയെ ആക്രമിച്ച കേസില് പ്രോസിക്യൂഷന് സാക്ഷികള് ദുര്ബലമായ സാഹചര്യത്തിലാണ് ഈ നടപടിയുണ്ടായതെന്നാണ് ദിലീപിന്റെ ഹര്ജിയിലെ പ്രധാന ആരോപണം. ഇതിനിടെ, നടിയെ ആക്രമിച്ച് പകര്ത്തിയ ദൃശ്യങ്ങള് ദിലീപിന് കൈമാറിയെന്ന് ബാലചന്ദ്ര കുമാര് ആരോപിക്കുന്ന വിഐപിയെ അന്വേഷണ സംഘം തിരിച്ചറിഞ്ഞു. കോട്ടയത്തെ പ്രവാസി വ്യവസായിയെ കേന്ദ്രീകരിച്ചാണ് അന്വേഷണം. ബാലചന്ദ്രകുമാര് കൈമാറിയ ശബ്ദരേഖയുടെ അടിസ്ഥാനത്തില് വിഐപിയെ കണ്ടെത്താന് അന്വേഷണം തുടങ്ങിയ കാര്യം വാര്ത്തയാതിന് പിറകെ ആ വിഐപി താനല്ലെന്ന് അവകാശപ്പെട്ട് കോട്ടയം സ്വദേശി മെഹബൂബ് രംഗത്തെത്തി.