ധൃതി വേണ്ട, പഠിച്ച് നടപടിയെന്ന് സര്ക്കാര്.
ന്യൂനപക്ഷ സമുദായ വിദ്യാര്ഥികള്ക്കുള്ള മെറിറ്റ് സ്കോളര്ഷിപ്പുകള് സംസ്ഥാന ന്യൂനപക്ഷ കമ്മിഷന്റെ കൈവശമുള്ള ഏറ്റവും പുതിയ സെന്സസ് റിപ്പോര്ട്ട് പരിഗണിച്ച് തുല്യ പരിഗണനയോടെ വിതരണം ചെയ്യാനുള്ള ഹൈക്കോടതി ഉത്തരവില് ധൃതിപിടിച്ച് തീരുമാനം വേണ്ടെന്ന് സര്ക്കാര്. പഠിച്ചശേഷം മാത്രം നടപടി സ്വീകരിക്കും. ഹൈക്കോടതി വിധി നിയമവകുപ്പ് പഠിച്ച് സര്ക്കാരിന് റിപ്പോര്ട്ട് നല്കും.സ്കോളര്ഷിപ് വിതരണത്തില് നിലവിലെ 80:20 അനുപാതം നിയമപരമായി നിലനില്ക്കുന്നതല്ലെന്നു ചൂണ്ടിക്കാട്ടി ഹൈക്കോടതി റദ്ദാക്കിയിരുന്നു. മുസ്ലിംകള്ക്ക് 80%, ലത്തീന് കത്തോലിക്കാ, പരിവര്ത്തിത ക്രൈസ്തവ വിഭാഗങ്ങള്ക്കായി 20% എന്നിങ്ങനെ തരംതിരിച്ച് അനുപാതം നിശ്ചയിച്ചത് ഉള്പ്പെടെ 3 സര്ക്കാര് ഉത്തരവുകളാണ് ചീഫ് ജസ്റ്റിസ് എസ്.മണികുമാര്, ജസ്റ്റിസ് ഷാജി പി.ചാലി എന്നിവരുള്പ്പെട്ട ഡിവിഷന് ബെഞ്ച് റദ്ദാക്കിയത്.