ചിദംബരത്ത് ക്ലാസ് മുറിയില് കുട്ടിയെ ക്രൂരമായി മര്ദിച്ച അധ്യാപകന് അറസ്റ്റില്
തമിഴ്നാട് ചിദംബരത്ത് ക്ലാസില് വരാത്തിനു കുട്ടിയെ ക്രൂരമായി മര്ദിച്ച അധ്യാപകന് അറസ്റ്റില്. ചിദംബരം നന്ദനാര് സര്ക്കാര് സ്കൂളിലെ അധ്യാപകന് സുബ്രമണ്യനാണ് അറസ്റ്റിലായത്. ക്ലാസില് മറ്റു കുട്ടികളുടെ മുന്പില് വച്ച് ചവിട്ടിവീഴ്ത്തി ചൂരല്കൊണ്ട് അടിക്കുന്ന ദൃശ്യങ്ങള് ഇന്നലെ സമൂഹമാധ്യമങ്ങളില് പ്രചരിച്ചിരുന്നു. തുടര്ന്നാണ് പൊലീസ് കേസെടുത്തത്. ബാലപീഡനമടക്കമുള്ള അഞ്ചുവകുപ്പുകള് ചുമത്തിയാണ് കേസ്. കഴിഞ്ഞ ബുധനാഴ്ചയാണു േകസിന് ആധാരമായ സംഭവം. സഹപാഠിയെ മര്ദ്ദിക്കുന്നത് ക്ലാസിലെ മറ്റൊരു കുട്ടി ഫോണില് ചിത്രീകരിച്ചു പുറത്തുവിടുകയായിരുന്നു.