സിപിഐഎം സംസ്ഥാന സെക്രട്ടേറിയറ്റ് യോഗം ഇന്ന്
തിരുവനന്തപുരം : ബിജെപി നേതാവ് പ്രകാശ് ജാവ്ദേക്കറുമായി – എല്ഡിഎഫ് കണ്വീനര് ഇ പി ജയരാജന് കൂട്ടിക്കാഴ്ച വിവാദത്തെ തുടര്ന്ന് നിര്ണായക സിപിഐഎം സംസ്ഥാന സെക്രട്ടേറിയറ്റ് യോഗം ഇന്ന് നടക്കും . ഇ പി കൂട്ടിക്കാഴ്ച വിവാദം യോഗത്തില് ചര്ച്ചയാകും. പാര്ട്ടിയെ പ്രതിരോധത്തിലാക്കിയ ഇ പി ജയരാജനെതിരെ നടപടിവേണമെന്ന് ആവശ്യം ശക്തം. ഇ പി ജയരാജന് എല്ഡിഎഫ് കണ്വീനര് സ്ഥാനത്ത് തുടരുന്നതില് സിപിഐക്ക് കടുത്ത അതൃപ്തി. പോളിംഗ് ദിനത്തില് വലിയ തോതില് ചര്ച്ചയായ ബിജെപിയുടെ കേരളത്തിലെ ചുമതലയുളള പ്രകാശ് ജാവദേക്കര്- ഇപി ജയരാജന് കൂടിക്കാഴ്ചയും യോഗത്തില് ഉയരും. കേരളത്തിന്റെ ചുമതലയുള്ള ബിജെപി നേതാവ് പ്രകാശ് ജാവ്ദേക്കറുമായി കൂട്ടിക്കാഴ്ച നടത്തിയെന്ന എല്ഡിഎഫ് കണ്വീനര് ഇ പി ജയരാജന്റെ വെളിപ്പെടുത്തലില് സിപിഐഎം ഞെട്ടലിലാണ്. പോളിംഗ് ദിനത്തിലെ തുറന്ന് പറച്ചില് വഴി പാര്ട്ടിയെ കടുത്ത വെട്ടിലാക്കിയന്നാണ് ഇപിക്കെതിരായ നേതാക്കളുടെ പൊതു നിലപാട്. മുഖ്യമന്ത്രിയുടെ പരസ്യമായ തള്ളിപ്പറയലിനുമപ്പുറം നടപടി വേണമെന്ന അഭിപ്രായവും പാര്ട്ടിയില് ശക്തമാണ്. പാര്ട്ടിയെ കടുത്ത സമ്മര്ദ്ദത്തിലാക്കിയ സംഭവത്തില് എല്ഡി എഫ് കണ്വീനര് സ്ഥാനത്ത് നിന്നും ഇ.പി. ജയരാജനെ നീക്കുമോ – അതോ പരസ്യമായ ശാസനയില് വിഷയം അവസാനിപ്പിച്ച് കണ്വീനറായി തുടരാനുള്ള സാധ്യതയുമാണുള്ളത്.